Рус Бел Eng 中文

У вокнах бібліятэкі ім. К.Маркса з’явілася выстава ручнікоў

Выставу «Старадаўнія сімвалы шчасця, або Мова беларускага арнаменту» зрабіла магілёўскі майстра Тамара Гроерава.

На выставе прадстаўлены 11 ручнікоў ручной работы. Тамара Гроерава цікавілася ручнікамі з ранняга юнацтва. Спачатку вышывала для сябе, потым для знаёмых.

Яна мае дыплом II ступені Міжнароднага конкурсу ў г. Віцебску, прымеркаванага да Міжнароднага фестывалю мастацтваў «Славянскі базар». Старшынёй гэтага конкурсу быў Ігар Лучанок. Ён высока ацаніў мастацкую каштоўнасць яе работ і Тамара Кірылаўна падарыла яму адну з іх. Таксама майстар мае дыплом I ступені абласнога конкурсу ў г. Магілёве.

(Ручнік – гэта адзін з нешматлікіх атрыбутаў з мінулага, які існуе і зараз: ім ўпрыгожваюць куты з абразамі; выкарыстоўваюць пры хрышчэнні і шлюбе; сустракаюць ганаровых гасцей.

Шырыня ручніка складае 35-40 см., яго даўжыня – ад 1,5 да 5 метраў: яго ўпрыгожваюць вышыўкай, карункамі, стужкамі і тасьмой.

Ручнік лічыўся «тварам» хатняй гаспадыні: чым больш ручнікоў у доме і чым яны прыгажэйшыя, тым лепш было меркаванне аб гаспадарчых здольнасцях жанчыны і яе дачок).

Выстава будзе дэманстравацца да 4 кастрычніка 2016 года.

При использовании материалов активная гиперссылка на mogilev-region.gov.by обязательна