Вверх

Вы здесь

У Бялынічах адкрыўся першы дзіцячы дом сямейнага тыпу

У мінулую пятніцу ў Бялынічах адбылося ўрачыстае адкрыццё першага дзіцячага дома сямейнага тыпу. Яго жыхарамі сталі Святлана Хрушчова і яе сын Захар, а таксама двое маленькіх хлопчыкаў, якія засталіся без апекі бацькоў: Матвей і Давід.

Аб значнасці гэтай падзеі не толькі для Прыдруцкага краю, але і ўсёй Магілёўшчыны сведчыла вялікая колькасць ганаровых гасцей. На мерапрыемства завіталі намеснік старшыні аблвыканкама Валерый Малашка, начальнік Галоўнага ўпраўлення Нацыянальнага банку Рэспублікі Беларусь па Магілёўскай вобласці Раіса Лычкоўская, намеснік старшыні райвыканкама Андрэй Ерашэнка, настаяцель царквы ў гонар іконы Маці Божай Бялыніцкай айцец Сергій, кіраўнікі арганізацый і прадпрыемстваў раёна, прадстаўнікі грамадскасці.

Добраму настрою прысутных і ўзнёслай атмасферы не перашкаджала нават не зусім спрыяльнае для свята надвор’е.

З прывітальным словам да прысутных звярнуўся намеснік старшыні Магілёўскага аблвыканкама Валерый Малашка. “Сёння адчыные свае дзверы 37 дзіцячы дом сямейнага тыпу ў нашым рэгіёне, - адзначыў ён. – У Бялынічах – першы ў гэтым годзе. Практыка паказвае, што рашэнне аб стварэнні адпаведных сацыяльных устаноў было правільным. Калі дзеці выхоўваюцца ў сем’ях, яны вырастаюць больш падрыхтаванымі да дарослага жыцця, дружнымі і адказнымі. Сімвалічна, што гэта падзея адбываецца напярэдадні аднаго з самых галоўных рэлігійных святаў – Раства Хрыстова. Няхай нябесныя сілы аберагаюць дзіцячы дом, усіх яго жыхароў і добраць ім шчасце, здароўе, сямейны дабрабыт”.

Валерый Анатольевіч уручыў Святлане Хрушчовай дакументы на халадзільнік , а яе выхаванцам – ласункі.

З падарункамі завіталі і многія іншыя госці. Раіса Лычкоўская, да прыкладу, прападнесла дзіцячаму дому сталовы сервіз на 12 чалавек, намеснік старшыні райвыканкама Андрэй Ерашэнка – корпусную мэблю, кіраўніцтва ААТ “Новая Друць” – пральную машыну, дырэктар ПП “Паўднёва-усходняя аптовапрамысловая кампанія” Ігар Галанаў і в.а. першага сакратара РК ГА “БРСМ” Вольга Шкундалёва – цацкі…

“Шчыра ўдзячная ўсім людзям, якія ўнеслі свой уклад у будаўніцтва і абсталяванне нашага дома, - заўважыла Святлана Хрушчова. – Пакуль яго жыхарамі будуць толькі чацвера чалавек, але я ўпэўненая: з цягам часу наша колькаць значна павялічыцца. Зразумела, што спачатку прыйдзецца нялёгка. Аднак без цяжкасцяў не абыходзіцца ніводная сям’я. Я ж разлічваю на свае сілы, на дапамогу родных людзей, у тым ліку сына Арцёма, які зараз вучыцца ў Магілёве, спецыялістаў сацыяльных службаў”.

“Ва ўсім падтрымліваю дачку, бо сама выхоўваю прыёмных дзетак, - паведаміла маці Святланы Хрушчовай Раіса Іванаўна. – Безумоўна, без добрай парады, ласкавага слова яна не застанецца”.

Як, напэўна, і без дапамогі вышэйшых сілаў. Аб чым паклапаціўся настаяцель царквы ў гонар іконы Маці Божай Бялыніцкай айцец Сергій, які не толькі прачытаў малітву аб дабрабыце сям’і, але і акрапіў дом і усіх яго жыхароў святой вадой.

Пасля традыцыйнай перадачы ключа і перарэзкі стужкі гаспадыня запрасіла ўсіх гасцей у дом. Утульнае, прыгожае, вялікае і па-сучаснаму абсталяванае! Менавіта такім падалося новае жыллё Святланы Хрушчовай, Давіда, Матвея і Захара, якое, дарэчы, за непрацяглы тэрмін пабудавалі работнікі ПМК-241.

За святочным сталом і смачным тортам госці і гаспадары разважалі аб тых складанасцях, з якімі давядзецца сутыкнуцца маці-выхавальніцы. Аднак Святлана Адамаўна ў будучае глядзіць з аптымізмам.

“Рашэнне прымала самастойна і свядома і зараз ніколькі аб ім не шкадую, - падзялілася Хрушчова. – За тыдзень, які знаходжуся разам з дзеткамі, яны сталі для мяне роднымі і блізкімі. Мару зараз толькі аб адным: дачушцы, а можа і некалькіх”.

Радуе, што і хлопчыкі з вялікай цеплынёй адносяцца да сваёй цяпер ужо маці, спадабаўся ім і дом.

“Тут прыгожа, шмат цацак, нам весела і добра разам”, - падзяліўся думкамі 10-гадовы Давід, які яшчэ нядаўна знаходзіўся ў Ланькаўскім сацыяльным прытулку.

zara.by

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «регионы»:

07.12.2017 - 12:31 | Горки 15-17 декабря примут открытые чемпионаты Могилевской области по пауэрлифтингу в троеборье и жиме штанги лежа

Горки 15-17 декабря примут VI открытый чемпионат Могилевской области по пауэрлифтингу в троеборье и IV открытый чемпионат Могилевской области по пауэрлифтингу в жиме штанги лежа. Турниры состоятся в спортивном комплексе БГСХА.

07.12.2017 - 12:08 | Международный турнир по гандболу среди мужских команд на приз маршала Советского Союза Ивана Якубовского состоится 9-10 декабря в Горках

Традиционный международный турнир по гандболу среди мужских команд на приз маршала СССР, дважды Героя Советского Союза Ивана Якубовского состоится 9-10 декабря в Горках. Состязания примет местная Ледовая арена.

07.12.2017 - 11:55 | На площадке полигона «Осиповичский» войсковой части 12147 проводятся плановые подрывные работы

На площадке полигона «Осиповичский» войсковой части 12147 до 29 декабря в рабочие дни с 10.00 до 18.00 проводятся плановые подрывные работы.

06.12.2017 - 16:12 | В Глуске после капремонта открылся бассейн

В Глуске после капремонта открылся плавательный бассейн. В торжественной церемонии приняли участие руководство облисполкома, райисполкома, представители трудовых коллективов, общественности и молодежь, сообщил начальник управления образования облисполкома Владимир Рыжков.

05.12.2017 - 09:40 | Животноводы Могилевской области наращивают объемы производства молока

Животноводы Могилевской области, как и планировали, наращивают объемы производства молока. Темпы роста нельзя назвать стремительными, но можно оправданно определить как стабильные. Валовый надой  выше  прошлогоднего показателя на 3,4%, суточный тоже больше на полкилограмма.

Рубрики

Работа с обращениями граждан и юридических лиц
Электронные обращения