Вверх

Вы здесь

У кастрычніку ў краіне стартуе першы этап рэпетыцыйнага тэсціравання

У кастрычніку ў краіне стартуе першы этап рэпетыцыйнага тэсціравання. Пералік устаноў, дзе «рэпетыцыя» будзе праводзіцца па матэрыялах арганізатараў цэнтралізаванага тэсціравання, можна знайсці на сайце Рэспубліканскага інстытута кантролю ведаў. Апрацоўка бланкаў адказаў і падлік вынікаў будуць ажыццяўляцца таксама па тэхналогіях ЦТ. А вось за якасць і змест матэрыялаў тэсціравання, якое праводзіцца іншымі ўстановамі, не згаданымі на сайце, Рэспубліканскі інстытут кантролю ведаў адказнасці не нясе.

Без мабільнікаў і шпаргалак

— Адразу хачу папярэдзіць усіх маладых людзей, якія пажадаюць правесці дыягностыку сваіх ведаў: працэдура правядзення рэпетыцыйнага тэсціравання нічым не адрозніваецца ад цэнтралізаванага тэсціравання. Задача арганізатараў — прытрымлівацца ўсіх правіл правядзення ЦТ, каб адразу настроіць абітурыентаў на сур’ёзны лад і змадэляваць рэальную псіхалагічную абстаноўку правядзення экзамену: прысутнасць мабільнікаў, дапаможнікаў і шпаргалак у экзаменацыйнай аўдыторыі катэгарычна не дапускаецца, — падкрэсліў дырэктар Рэспубліканскага інстытута кантролю ведаў Мікалай ФЯСЬКОЎ. — Арганізатарам дазваляецца кансультаваць удзельнікаў «рэпетыцыі» толькі па тэхналогіі работы над тэстам і па парадку запаўнення бланка, але ніякіх кансультацый па змесце тэстаў…

Мы сур’ёзна ўзмацняем кантроль і адказнасць як з боку арганізатараў, так і з боку ўдзельнікаў ЦТ за магчымую ўцечку матэрыялаў рэпетыцыйнага тэсціравання за межы экзаменацыйнай аўдыторыі. Зразумела, што наўрад ці хтосьці стане выкарыстоўваць мабільны тэлефон для таго, каб атрымаць на «рэпетыцыі» больш высокі бал. Але некаторыя ўдзельнікі рэпетыцыйнага тэсціравання фатаграфуюць экзаменацыйныя тэсты, каб потым выкласці іх змест у інтэрнэт. І гэтая тэндэнцыя нас вельмі трывожыць. Акрамя таго, што ў такой сітуацыі парушаюцца нашы аўтарскія правы, Рэспубліканскаму інстытуту кантролю ведаў, калі не спыніць такую «самадзейнасць», давядзецца хутка выстаўляць новыя варыянты тэстаў ужо не толькі на кожны з трох раўндаў рэпетыцыйнага тэсціравання, а значна часцей.

Але мы глядзім яшчэ далей: наша задача — не дапусціць нематываваны выкід экзаменацыйных матэрыялаў у сацыяльныя сеткі падчас правядзення цэнтралізаванага тэсціравання.

Без абмежаванняў

Мікалай Фяськоў патлумачыў, што колькасць дысцыплін, якія можна здаваць на рэпетыцыйным тэсціраванні, у адрозненне ад ЦТ, ніхто не абмяжоўвае. Больш за тое, можна паспрабаваць здаць кожную дысцыпліну нават двойчы, паколькі для кожнага рэпетыцыйнага тура рыхтуюцца два варыянты тэстаў. Таксама да ўдзелу ў рэпетыцыйным тэсціраванні дапускаюцца і дзесяцікласнікі…

Для павышэння эфектыўнасці ад удзелу ў «рэпетыцыі» ЦТ можна скарыстацца паслугамі рэгіянальнага цэнтра тэсціравання і прафесійнай арыентацыі моладзі пры Гродзенскім дзяржаўным універсітэце імя Я.Купалы, які ўжо не першы год арганізуе пры падтрымцы Рэспубліканскага інстытута кантролю ведаў індывідуальныя кансультацыі для ўдзельнікаў рэпетыцыйнага тэсціравання. Там могуць пракансультаваць любога абітурыента, незалежна ад пункта праходжання тэсціравання і месца яго жыхарства. Мэта такой кансультацыі — ліквідацыя прабелаў у ведах і далейшая падрыхтоўка па тэматыцы тэставых заданняў, з якімі абітурыенты не справіліся на «рэпетыцыі» экзамену.

Індывідуальная кансультацыя ўяўляе сабой рассылку вучэбна-метадычнага пакета, які змяшчае тэматыку раздзелаў школьнай праграмы па кожным няправільна выкананым заданні з указаннем года ці класа вывучэння адпаведнага раздзела, з рэкамендаваным спісам вучэбнай і метадычнай літаратуры, са зместам няправільна выкананых заданняў, правільнымі адказамі і ўказаннем да правільнага рашэння. Індывідуальным кансультаваннем у рэжыме ан-лайн займаюцца і ў Ліцэі БДУ.

…І работа над памылкамі

Таксама Мікалай Фяськоў звярнуў увагу абітурыентаў на камп’ютарнае тэсціраванне, якое праводзіцца ў сценах Рэспубліканскага інстытута кантролю ведаў. Гэта новая форма «рэпетыцыі» будучага ЦТ, якую трэба разглядаць як дадатковую магчымасць «патрэніравацца» напярэдадні адказных іспытаў.

Існуюць тры рэжымы камп’ютарнага тэсціравання. У трэніровачным рэжыме ўдзельнік не абмежаваны ў часе праходжання тэста, а таксама ў любы момант ён можа скарыстацца падказкай камп’ютара. У кантрольным рэжыме на рашэнне тэста адводзіцца такі ж час, як і на ЦТ, і выконваецца ён без падказак. Самы ж набліжаны да ўмоў ЦТ — кантрольны рэжым на бланку: тут таксама абмежаваны час, адсутнічаюць падказкі, але правільныя адказы трэба ўносіць у электронную версію бланка, які цалкам адпавядае арыгіналу бланка ЦТ. Перавага камп’ютарнага тэсціравання ў тым, што абітурыент адразу атрымае свой вынік, а таксама ў яго ёсць магчымасць зрабіць работу над памылкамі, убачыць аўтарскае рашэнне задачы і правільны адказ.

У будныя дні камп’ютарнае тэсціраванне праводзіцца раз на дзень у 14.30, а ў суботу і нядзелю ў інстытуце гатовы тэсціраваць ахвотных і тройчы на дзень — у 9.00, 12.00 і 15.00. Кошт камп’ютарнага тэсціравання такі ж, як і звычайнага рэпетыцыйнага, — Br41,8 тыс. У новым навучальным годзе кошт рэпетыцыйнага тэсціравання крыху павялічыўся, паколькі павялічыліся выдаткі на яго правядзенне.

Тэсты, якія выконваюцца на камп’ютары, адрозніваюцца па змесце заданняў ад тых, якія рыхтуюцца для пунктаў тэсціравання. Таму абітурыенты, якія ўжо прайшлі рэпетыцыйнае тэсціраванне, могуць яшчэ раз праверыць свае веды ўжо на камп’ютары. Зарэгістравацца для праходжання камп’ютарнага тэсціравання можна на сайце РІКВ www.rіkс.bу ў раздзеле «камп’ютарнае тэсціраванне».

“Звязда”

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «молодежь»:

11.12.2017 - 10:15 | Второе место на республиканском конкурсе «Студент года - 2017» завоевал курсант Могилевского института МВД Максим Патаренко

Второе место на республиканском конкурсе «Студент года - 2017» завоевал курсант четвертого курса факультета милиции Могилевского института МВД Максим Патаренко.

11.12.2017 - 09:36 | Рождественский благотворительный бал пройдет в БГУ в поддержку Осиповичской школы-интерната

Более 300 девушек и юношей соберет рождественский благотворительный бал в БГУ 12 декабря, сообщили в пресс-службе вуза.

06.12.2017 - 12:19 | Воспитанники могилевского арт-центра «Ангел» привезли ряд наград с международного танцевального фестиваля

Копилка могилевского арт-центра «Ангел» пополнилась призовыми кубками и дипломами после выступлений на Международном танцевальном фестивале  «Dance Way». Масштабный праздник прошел во Дворце культуры железнодорожников Смоленска. 

04.12.2017 - 13:30 | Бобруйчане подготовили на республиканский конкурс «ТехноЕлка» музыкальный экспонат с эффектом театра теней

Экспонат «Новогоднее чаепитие с Алисой» подготовили на республиканский конкурс «ТехноЕлка» представители Центра творчества детей и молодежи Бобруйска. Композиция уже доставлена в Минск, сообщила корреспонденту сайта заведующий отделом по основной деятельности технического творчества учреждения образования Татьяна Кизатова.

01.12.2017 - 10:55 | Учащиеся Могилевского медколледжа посетили центр реабилитации детей-инвалидов с поражением ЦНС и опорно-двигательного аппарата

Учащиеся Могилевского медицинского колледжа провели благотворительную акцию «Твори добро своими руками» в филиале «Центр  медицинской реабилитации детей-инвалидов с поражением ЦНС и опорно-двигательного аппарата» Могилевской областной детской больницы.

Рубрики

Работа с обращениями граждан и юридических лиц
Электронные обращения