Рус Бел Eng 中文

У рэспубліканскай табліцы вынікаў работы ў жывёлагадоўлі за мінулы год Асіповіцкі раён займае 21 лінейку

У рэспубліканскай табліцы вынікаў работы ў жывёлагадоўлі за мінулы год Асіповіцкі раён займае 21 лінейку. З аднаго боку, такая пазіцыя сярод 118 раёнаў краіны дастойная, з другога — улічваючы, што папярэдні паказчык быў вышэй на 5 пунктаў, — ёсць над чым задумацца.

Ад кожнай каровы летась у сельгаспрадпрыемствах Асіповіччыны атрымана па 5 205 кілаграмаў малака — на 289 менш, чым за папярэдні перыяд. Аднак, гэтая лічба вышэй, чым сярэднеабласны паказчык (4 578) і рэспубліканскі (4 642). Больш на Магілёўшчыне малака ад каровы надаілі толькі ў Шклоўскім, Горацкім, Магілёўскім і Кіраўскім раёнах.

Агульная вытворчасць гэтага неабходнага прадукту ў Асіповіцкім раёне адпавядае 107,9% да 2009 года. Ёсць сярод мноства жывёлагадоўчых паказчыкаў і такі, які не можа радаваць: сярэднясутачныя прывагі свіней змінусавалі на 51 адзінку і спыніліся на ўзроўні 399 грамаў.

”Асіповіцкі край”

При использовании материалов активная гиперссылка на mogilev-region.gov.by обязательна