На працягу двух апошніх месяцаў маладыя сем’і, якія прымалі ўдзел у раённым аглядзе-конкурсе “Узорны дом маладой сям’і”, знаходзіліся ў чаканні вынікаў. І вось, так бы мовіць, канчатковая кропка ў вызначэнні пераможцаў была пастаўлена на апошнім пасяджэнні райвыканкама. Яна зыходзіла з вывадаў раённай камісіі, якая была сфарміравана для гэтых мэт.

Уручэнне дыпломаў і каштоўных падарункаў адбылося ў мінулую пятніцу напачатку работы сесіі райсавета. Цырымонію ўзнагароджвання праводзіў кіраўнік раёна Уладзімір Даніленка. Сёлета моладзевы конкурс на п’едэстал перамогі вывеў адразу две сям’і, бо толькі на адзін бал апярэдзіла сям’я-пераможца сям’ю, якая заняла другое месца. Таму было прынята рашэнне ва ўрачыстай абстаноўцы прывітаць адных і другіх. І яшчэ адна адметнасць сёлетняга конкурсу – дзве сям’і-пераможцы пражываюць у аграгарадку Ржаўка.

Кіраўнік раёна ўручыў сям’і Сталярэнкаў, якая, дарэчы, прыбыла на ўзнагароджванне ў поўным саставе, дыплом пераможцы конкурса і каштоўны падарунак.

Сям’я Дзянісавых, якая заняла ў конкурсе другое месца, таксама прымала ўзнагароды ў поўным саставе – дыплом і каштоўны падарунак.

Малодшы састаў пераможцаў конкурса не быў абыйдзены ўвагай: Уладзімір Даніленка падарыў дзецям школьныя прыналежнасці. Кіраўнік раёна падзякаваў лідэрам за актыўную жыццёвую пазіцыю і пажадаў у аналагічных абласных і рэспубліканскіх конкурсах не толькі прымаць удзел, але і стаць пераможцамі.

Раёная газета “Прысожскі край”