Рус Бел Eng 中文

У вёсцы Стары Дзедзін адбудуцца мерапрыемствы, прысвечаныя 230-годдзю герба горада Клімавічы

14 жніўня на маляўнічым беразе ракі Осцер у вёсцы Стары Дзедзін адбудуцца мерапрыемствы, прысвечаныя 230-годдзю герба горада Клімавічы з малюнкам залатой пчалы. Пра гэта паведамілі ў аддзеле ідэалагічнай работы Клімавіцкага райвыканкама.

Па словах суразмоўцаў, праграмай свята прыдугледжана правядзенне народнага фальклорнага свята «Макавеева кветка», канцэрт мастацкай самадзейнасці з удзелам артыстаў беларускай эстрады, выхадцаў Клімавіцкага раёна, талентаў Крычаўскага раёна, Яршыцкага і Шумяцкага раёнаў Смаленскай вобласці. У гэты дзень будзе арганізавана работа сельскіх падворкаў, спартыўных і турыстычных пляцовак, пройдуць розныя гульні і конкурсы.

Гасцям урачыстасцяў прыйдзецца да густу выязны гандаль, дзе яны змогуць набыць харчовыя і нехарчовыя тавары, у тым ліку жывую рыбу, мёд і прадукцыю пчалярства. Апроч таго, адбудзецца конкурс на лепшы кандытарскі выраб з макам і мёдам.

У суседняй вёсцы Новы Дзедзін пройдзе хросны ход з асвячэннем крыніцы «Бяздонная студня».

При использовании материалов активная гиперссылка на mogilev-region.gov.by обязательна