Рус Бел Eng 中文

Удзельнікі "Каменнай казкі" гатовы зрабіць новыя скульптурныя сімвалы Магілёва

Міжнародны пленэр па скульптуры з каменю "Каменная казка", які ў гэтыя дні праходзіць у Магілёве, перасягнуў свой экватар. Творы з граніту шасці скульптараў магілёўцы змогуць па годнасці ацаніць літаральна праз 2 тыдні. Пакуль жа творчы працэс у самім разгары.

Ераванец Саркіз Бабаян месца для свайго твора ўжо падабраў. Гэта сквер каля Акадэміі музыкі. Сваёй працы вышынёю пад два метры ён даў даволі рамантычную назву "Кахае - не кахае". У скульптуры абавязкова будзе прысутнічаць рамонак. Працаваць з беларускім гранітам складана, прызнаўся скульптар з Арменіі. Даволі цвёрды. Але, як гаворыцца, вада пад ляжачы камень не цячэ. Галоўнае - ўкласці сваю душу ў працу, каб яна потым радавала вока гараджан.

А вось Сяргей Карацуба прыехаў на пленэр "Каменная казка" з Бранска, пабраціма Магілёва. У нашым горадзе ён упершыню, але тут яму ўсё па нораве. Апроч архітэктуры абласнога цэнтра скульптару ў асаблівасці прыглянуліся беларускія жанчыны. Знаходзячыся пад вялікім уражаннем ад іх прыгажосці, у Сяргея Карацубы і нарадзілася ідэя каменнай скульптуры пад назваю "Беларуская мадона". У асяроддзі касмічных зорак маладая маці трымае на руках маленькага дзіцяці і далікатна яму нешта гаворыць, падзяліўся скульптар. Выставіць сваю беларускую мадону Сяргей Карацуба мяркуе ў скверы "40-годдзя Перамогі", у якім, як ён лічыць, заўсёды бывае шмат маці з дзецьмі.

Магіляўчанін Андрэй Вараб'ёў усё яшчэ ў разважаннях пра месца для свайго твора. Удзельнічае ён у пленэры "Каменная казка" ужо ў трэці раз. Дзве папярэднія яго працы размешчаныя побач з кінатэатрам "Радзіма" і універмагам "Кастрычніцкі". Дарэчы, помнік агурку ў Шклове, гімнастка каля Палаца гімнастыкі ў Магілёве, студэнт са студэнткай у Горках, а яшчэ - каменная скульптура "Ружа вятроў" на вакзале ў Люксембургу - гэта таксама скульптурныя работы Андрэя Вараб'ёва. Цяперашні свой твор з граніту, які ён назваў "Камень пацалункаў", магілёўскі скульптар прысвячае ўсім закаханым парам. І абяцае, што пацалункі на гэтым камяні будуць асабліва салодкімі. Пленэр - гэта заўсёды адзіны арганізм, лічыць Андрэй Вараб'ёў. "Нягледзячы на тое, што ўсе мы з розных рэгіёнаў, але думаем на адной творчай хвалі, з самай першай хвіліны знаёмства", - падкрэсліў ён.

Працуюць скульптары над гранітнымі грудамі з самай раніцы і да вечара, без выхадных. А як жа, трэба паспець завяршыць свае тварэнні да тэрміна. Літаральна праз два тыдні, а гэта 3 жніўня, перад нашымі вачыма паўстануць велічныя скульптуры з каменя, якія затым упрыгожаць вуліцы і скверы Магілёва. Чакаць засталося крыху.

Па матэрыяле «Радыё Магілёў»

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «культура»:

16.10.2018 - 10:17 | Тематические кинопоказы к 100-летию ВЛКСМ пройдут в кинотеатрах Могилева

Тематические кинопоказы к 100-летию Всесоюзного ленинского коммунистического союза молодежи (ВЛКСМ) пройдут в кинотеатрах Могилева. Об этом корреспонденту сайта сообщили в государственном предприятии «Киновидеопрокат».

15.10.2018 - 10:21 | Международный многожанровый Гранд-фестиваль «Звездочет» пройдет 21-25 ноября в Могилеве

Международный многожанровый Гранд-фестиваль «Звездочет» пройдет 21-25 ноября в Могилеве, сообщила организатор проекта Юлия Антоненко.

11.10.2018 - 17:09 | V Форуме регионов: Издана книга о межрегиональном взаимодействии Беларуси и России

Книга «Регионы - для Союзного государства» о взаимодействии областей Беларуси с регионами России вышла в издательстве «Белорусская энциклопедия имени Петруся Бровки». Об этом сообщил директор издательства Владимир Андриевич.

10.10.2018 - 09:21 | Могилевский театр кукол готовит премьеру спектакля для взрослых по Вольтеру

Могилевский областной театр кукол готовит премьеру для взрослых по произведению Вольтера «Кандид, или оптимизм», сообщил директор учреждения культуры Владимир Андреенко.

08.10.2018 - 12:44 | Районный фестиваль народного творчества «Криница души» пройдет в Костюковичах

Районный фестиваль народного творчества «Криница души» состоится 20 октября в Центре культуры ГУК «Централизованная клубная система Костюковичского района».