Рус Бел Eng 中文

Унікальныя фотаздымкі першага рэктара сучаснага МДУ імя А. А. Куляшова знойдзены ў Санкт-Пецярбургскім музеі

Унікальныя фотаздымкі першага рэктара тагачаснага Магілёўскага настаўніцкага інстытута, сучаснага МДУ імя А. А. Куляшова, знойдзены ў Санкт-Пецярбургскім музеі, паведаміў дацэнт кафедры археалогіі і спецыяльных гістарычных дысцыплін установы вышэйшай адукацыі Аляксандр Агееў.

Фотаздымкі першага рэктара, Яўгена Іосіфавіча Бычкова, прадстаўлены на выставе архіўных дакументаў у Музеі гісторыі ўніверсітэта. Арганізатарам гэтай выставы якраз і з’яўляецца кандыдат гістарычных навук, дацэнт Аляксандр Агееў. Каштоўнасць яго знаходкі падкрэслівае і той факт, што ў партрэтнай галерэі рэктараў універсітэта за ўсю 100-гадовую гісторыю навучальнай установы, замест выявы Яўгена Іосіфавіча мастак адлюстраваў запаленую свечку — напамін аб трагічным лёсе гэтага чалавека.

«Я ведаў пра тое, што фотаздымкі Яўгена Іосіфавіча могуць знаходзіцца ў Санкт-Пецярбургу. Чаму менавіта ў гэтым горадзе? Усё проста — Яўген Бычкоў вучыўся на фізіка-матэматычным факультэце Санкт-Пецярбургскага ўніверсітэта, — распавядае Аляксандр Агееў. — Дзякуючы падтрымцы з боку адміністрацыі ўніверсітэта, удалося наведаць расійскую паўночную сталіцу і папрацаваць у архіве гэтага горада. Перадусім, канешне, мэтанакіравана шукаў фотаздымак Яўгена Іосіфавіча Бычкова. Знайшоў яго ў фондзе асабістых спраў Санкт-Пецярбургскага ўніверсітэта».

Выстава, на якой прадстаўлены фотаздымак, мае назву «Першыя крокі адукацыі на Магілёўшчыне». У экспазіцыі — больш за 20 унікальных гістарычных дакументаў з Дзяржаўнага гарадскога архіва Санкт-Пецярбурга і Віленскага Дзяржаўнага гістарычнага архіва. «Да гэтага часу ў гісторыі МДУ імя А. А. Куляшова ёсць белыя плямы, — заўважае наш суразмоўца. — Напрыклад, мы надзвычай мала ведалі пра факты з біяграфіі першых выкладчыкаў настаўніцкага інстытута. Дакументы якраз шмат у чым запаўняюць гэтыя лакуны. Напрыклад, магчыма пазнаёміцца з інфармацыяй, ўзятай з асабістых спраў першага дырэктара Магілёўскага настаўніцкага інстытута Уладзіміра Тычыніна, першага выкладчыка матэматыкі Яўгена Аляхновіча, першага выкладчыка гісторыі і геаграфіі Міхаіла Руднёва».

Аляксандр Агееў плануе і далей раскрываць таямніцы гісторыі МДУ імя А. А. Куляшова. «Новыя дакументы адкрываюць новыя факты. Напрыклад, я не ведаў, чаму так шмат у нашым універсітэце спасылак на Віцебскі настаўніцкі інстытут. Аказалася, што першы дырэктар нашай установы, Уладзімір Тычынін, працаваў 20 год менавіта ў Віцебску. Ён быў асабіста знаёмы з дырэктарам Віцебскага інстытута. У 1910 паміж віцебскай і магілёўскай установамі адукацыі адбывалася спаборніцтва, а ў 1913 г. (калі Уладзімір Тычынін зрабіўся дырэктарам) інстытуты пачалі супрацоўнічаць», — заўважае гісторык.

msu.mogilev.by

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «история»:

23.05.2018 - 10:24 | В Кричеве во дворце Потемкина открыли «Зал афганской славы»

Во дворце Потемкина в Кричеве открыли «Зал афганской славы». В торжестве приняли участие представители райисполкома, Совета депутатов, общественных организаций, ветераны пограничных войск, и, конечно, те, кто прошел Афганистан.

22.05.2018 - 09:06 | Памятный знак в честь 100-летия пограничных войск появился в Кричеве

В парке Победы Кричева открылся памятный знак в честь 100-летия образования пограничных войск. Мемориал появился по инициативе районной общественной организации «Белорусский союз ветеранов войны в Афганистане» при поддержке местного райисполкома.

21.05.2018 - 12:19 | Беларусь примет мото-автопробег «Победа без границ»

На территории стран СНГ, в том числе и в Республике Беларусь, проходит Международный патриотический мото-автопробег «Победа без границ» памяти всех воинов, погибших в годы Великой Отечественной войны, по местам боевой славы Панфиловской дивизии.

15.05.2018 - 09:41 | Поисковый клуб «ВИККРУ» нашел точное место легендарной битвы при Головчине 1708 года

Вышел 11-й выпуск военно-исторического сборника «Могилевский поисковый вестник».

28.04.2018 - 13:03 | В Славгородском районе проходит краеведческая поисковая экспедиция «Днепровский рубеж»

Поисковая краеведческая экспедиция «Днепровский рубеж» работает в Славгородском районе. Здесь, на берегах Сожа в 1941 году мужественно сражались воины 20-го стрелкового и 25-го механизированного корпусов Красной Армии. При попытке вырваться из вражеского окружения и штурме немецких укреплений в Славгороде в июле 1941 года сотни красноармейцев и командиров погибли, тысячи пропали без вести, попали в плен.