Рус Бел Eng 中文

V рэгіянальны фестываль дзіцячай творчасці “Славянскі карагод” адкрыўся ў Горках

3 чэрвеня ў Горках адкрыўся V рэгіянальны фестываль дзіцячай творчасці “Славянскі карагод-2011”.

На яго сабраліся юныя таленты з польскага Гарволіна, гарадоў Манастыршчына, Сафонава, Ярцава, Рослаўль Смаленскай вобласці Расійскай Федэрацыі, Орша і Барань Віцебскай вобласці, з Магілёва, а таксама Дрыбінскага, Крычаўскага, Касцюковіцкага раёнаў.

На працягу двух дзён ўдзельнікі фестывалю будуць дэманстраваць свае здольнасці у вакальным, інструментальным, тэатральным, харэаграфічным жанрах, выяўленчым мастацтве і дэкаратыўна-прыкладной творчасці.

Ацэньваць работы канкурсантаў з’ехалася высокапрафесіянальнае журы. У яго складзе выкладчыкі Магілёўскага дзяржаўнага музычнага каледжа імя Рымскага-Корсакава, філіяла Беларускай дзяржаўнай акадэміі музыкі, Магілёўскай дзяржаўнай гімназіі-каледжа мастацтваў, а таксама спецыялісты абласнога метадычнага цэнтра і культурна-асветніцкай работы.

Гала-канцэрт "зорачак" і падвядзенне вынікаў “Славянскага карагоду” адбудзецца 5 чэрвеня ў раённым цэнтры культуры.

Па матэрыяле газеты “Горацкі веснік”

При использовании материалов активная гиперссылка на mogilev-region.gov.by обязательна