Рус Бел Eng 中文

Вялікае перасяленне

Падчас асабістых прыёмаў старшыні Магілёўскага аблвыканкама Уладзіміру Даманеўскаму даводзіцца тлумачыць грамадзянам змяненні ў Жыллёвым кодэксе.

Гэтым разам магчымасць падзяліцца набалелым была ў 14 чалавек. Іх праблемы інакш, чым балючымі, не назавеш. Па адным і тым жа пытанні ад імя жыхароў пяці дамоў па вуліцах Заслонава і Будаўнікоў звярнуліся адразу некалькі магіляўчан. Двухпавярховікі, дзе яны жывуць, у свой час здаваліся без выгод. Але людзі атрымлівалі ордэры як на кватэры і здымаліся з чаргі на жыллё. Пытанні ўзніклі пасля таго, як некалькі гадоў таму ў Магілёве «Будтрэст №12», на балансе якога знаходзяцца гэтыя больш чым паўвекавой даўніны пабудовы, стаў перасяляць жыхароў у інтэрнаты. З тымі, хто быў не згодны, размова ішла праз суд. «Вялікае перасяленне» працягваецца. Сёлета такі лёс напаткаў дом № 29 па вуліцы Заслонава. Жыхары ў роспачы, асабліва тыя, каму ўжо засталося недалёка да пенсіі. Шанцаў пабудаваць уласнае жыллё ў іх няма. Людзі спадзяюцца, што іх дамам будзе нададзены статус жылых. На прыём да губернатара яны прыйшлі з архіўнымі дакументамі, якія пацвярджаюць, што пры будаўніцтве іх дамы мелі такі статус. Вось толькі чамусьці адпаведнай дакументацыі няма ў Будтрэсце. Губернатар даў даручэнне адказным службовым асобам разабрацца з праблемай і праінфармаваць гараджан.

Сужэнцы з Магілёва прыйшлі ў спадзяванні, што ім дапамогуць урэгуляваць сітуацыю з будаўніцтвам іх дома. Праз непрыязныя адносіны з суседам, які таксама будуецца, справа зайшла ў тупік. Як высветлілася, пры праектаванні былі зроблены памылкі, якія пагоршылі становішча заяўнікаў.

Яшчэ для двух магіляўчан падставай для звароту стаў нездавальняючы стан фасада школы №18 і прылеглай да яе тэрыторыі. Яны лічаць, што лесвіца, якая вядзе да школы, уяўляе небяспеку, бо не мае парэнчаў. А дарогі тут такія, што можна зламаць ногі. Жыхарка вёскі Цішоўка паскардзілася на Магілёўскі райвыканкам, які не прымае мер у дачыненні да яе суседа. Яна бачыць прамую сувязь паміж яго будаўніцтвам і падтапленнем яе падвала. Заяўніца з аграгарадка Рэчкі незадаволена тым, што на вуліцы Ніжняя, дзе яна жыве, дагэтуль няма каналізацыйнай сеткі. Яна сцвярджае, што пытанне будаўніцтва разглядалася не аднойчы і на розных узроўнях. Жанчына спадзяецца, што вуліца ўсё ж такі будзе ўключана ў наступную праграму «Чыстая вада» і грошы на гэта знойдуцца.

Уладзімір Даманеўскі даручыў адпаведным службам яшчэ раз дасканала вывучыць пытанні, якія прагучалі падчас прыёму, і ў кароткія тэрміны прыняць меры па іх вырашэнні. Заяўнікі павінны атрымаць па выніках сваіх зваротаў аргументаваныя адказы.

- Можна канстатаваць, што шэраг пытанняў, якія раней паступалі, страціў сваю актуальнасць, - падвёў вынікі прыёму кіраўнік вобласці. - У гэтым вялікая заслуга гарадскіх службаў, якія шмат чаго робяць па добраўпарадкаванні. Разам з тым застаюцца нявырашанымі праблемы водаправоднага абслугоўвання і водаадвядзення ў індывідуальнай забудове. У першаю чаргу гэта датычыцца Магілёўскага раёна, дзе цяпер актыўна вядзецца будаўніцтва. Другое пытанне, якое сёння падымаецца, забеспячэнне жыллём. Мы не паспяваем праводзіць тлумачальную працу і даводзіць да людзей змяненні ў Жыллёвым заканадаўстве. Людзі звяртаюцца з абгрунтаванымі, на іх погляд, праблемамі, але мы бачым, што яны выходзяць за рамкі дзеючага заканадаўства. Прыходзіцца падчас прыёму тлумачыць, як выйсці з гэтай сітуацыі.

Што датычыцца школ, то мы шмат увагі надаём наяўнасці агароджы вакол адукацыйных устаноў, як таго патрабуе Міністэрства адукацыі, адпаведнай дарожнай разметцы і знакам, каб на шляху школьніка не было пагрозы для яго бяспекі. Некаторыя школы сапраўды патрабуюць капітальнага рамонту фасадаў. Мы абмяркоўвалі гэта яшчэ на пасяджэнні ў гарвыканкаме і вызначылі для сябе, што пры фарміраванні бюджэту на наступны год будзем улічваць прывядзенне іх у парадак. У планах 18-я і 7-я школы ў Магілёве - зоймемся імі ў першую чаргу.

“Звязда”

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «мнение»:

26.04.2018 - 10:25 | Дмитрий Янков: консолидация общества - залог поступательного движения вперед во всех сферах

Консолидировать общество и все отрасли экономики, чтобы добиться поступательного и положительного движения вперед - один из основных посылов Послания Президента белорусскому народу и Национальному собранию.

28.03.2018 - 08:24 | Могилеву нужно активней работать по привлечению инвестиций – Михаил Мясникович

Могилеву нужно активней работать по привлечению инвестиций. Такое мнение высказал по итогам совещания членов Президиума Совета Республики, которое прошло в ОАО «Моготекс», председатель Совета Республики Михаил Мясникович.

21.03.2018 - 23:34 | Театральный форум «М@rt. контакт» стал символом творческого поиска - Василий Черник

Международный молодежный театральный форум «М@rt. контакт» стал символом настоящего творческого поиска и смелого художественного эксперимента. Об этом заявил сегодня на торжественном открытии мероприятия начальник главного управления культуры и аналитической работы Министерства культуры Беларуси Василий Черник.

05.03.2018 - 08:40 | Перспективы развития Могилевской области в наращивании инвестиционной активности – Виктор Некрашевич

Перспективы развития Могилевской области в наращивании инвестиционной активности, создании новых и модернизации действующих производств. Такое мнение высказал заместитель председателя Могилевского облисполкома Виктор Некрашевич, комментируя отчет правительства, Национального банка, облисполкомов и Минского горисполкома об итогах работы экономики за 2017 год и задачах по обеспечению устойчивого экономического роста.

23.02.2018 - 08:56 | Динара Алимбекова: мы готовились к этой эстафете и доказали, что лучшие

Спортсменка из Могилевской области Динара Алимбекова поделилась впечатлениями от выступления в эстафете, которая стала золотой для отечественных биатлонисток.