Рус Бел Eng 中文

За арыгінальныя капелюшы з паперы жыхары Клічаўшчыны атрымаюць прызы

Да святкавання Дня горада ў Клічаўскім раёне праводзіцца конкурс «Уся справа ў капелюшы!». Аб гэтым карэспандэнту сайта паведамілі ў аргкамітэце творчых спаборніцтваў.

Па словах суразмоўцаў, праявіць свае здольнасці могуць клічаўляне і вяскоўцы ва ўзросце ад 3 гадоў. «Капялюшыкі неабходна зрабіць уласнымі рукамі з дадатка «Тэлетыдзень» раённай газеты «Сцяг Саветаў», - адзначылі спецыялісты. – Для гэтага дадатак можна разразаць, склейваць, выкарыстоўваць розныя тэхнікі». Акрамя таго, удзельнікі конкурсу павінны арыгінальна прадставіць свой выраб.

Пераможцаў вызначыць спецыяльнае журы 3 ліпеня, у дзень святкавання Дня горада, у гарадскім парку. Лепшых майстроў чакаюць прызы.

Заяўкі да ўдзелу ў конкурсе прымаюцца да 2 ліпеня па адрасе: г. Клічаў, зав. Пугачова, 5, рэдакцыя «Сцяга Саветаў». Даведкі па тэлефонах: 8 (02236) 51-263, 8 (02236) 51-163.

При использовании материалов активная гиперссылка на mogilev-region.gov.by обязательна