У маі 2022 г. да святкавання Дня сям’і ў г. Магілёве адбудзецца першы этап рэспубліканскага конкурсу «Сям’я года».
Конкурс праводзіцца ў мэтах умацавання духоўна-маральных асноў сям’і, адраджэння і прапаганды сямейных каштоўнасцяў і традыцый.
Задачамі конкурсу з’яўляюцца:
– павышэнне ролі і прэстыжу сям’і ў жыцці грамадства як асновы дзяржаўнай дэмаграфічнай палітыкі;
– захаванне духоўна-маральных каштоўнасцей сям’і;
– прасоўванне ў грамадстве ідэі адказнага бацькоўства;
– адукацыя і выхаванне дзяцей і моладзі ў сістэме традыцыйных сямейных каштоўнасцяў, арыентаваных на стабільнасць адносін, нараджэнне і выхаванне дзяцей, здаровы лад жыцця, пераемнасць пакаленняў, паразуменне і ўзаемападтрымку;
– прыцягненне ўвагі шырокай грамадскасці да сям’і як найважнейшага сацыяльнага інстытута.
У першым этапе рэспубліканскага конкурсу прыме ўдзел 6 шматдзетных сямей:
– сям’я Дубанос з г. Магілёва;
– сям’я Жураўлёвых са Слаўгарадскага раёна;
– сям’я Лубковых з Глускага раёна;
– сям’я Касценіч з Клімавіцкага раёна;
– сям’я Дарашэнка з Краснапольскага раёна;
– сям’я Пахомавых з г. Бабруйска.
Сем’і будуць спаборнічаць у конкурсным заданні «Мая сям’я – мая краіна» (да 15 хвілін), які прадугледжвае:
– прадстаўленне візітнай карткі сям’і «Радавод»;
– прэзентацыю сацыяльна значнага праекта, які адлюстроўвае ўклад сям’і ў жыццё рэгіёна.
Сем’і атрымаюць дыпломы і прызы.