З 1 студзеня 2021 года з Падатковага кодэкса Рэспублікі Беларусь выключаны такі аб'ект абкладання дзяржаўнай пошлінай, як выдача дазволу на допуск транспартнага сродку да ўдзелу ў дарожным руху, у сувязі з чым з названай даты дзяржаўная пошліна за выдачу такога дазволу не выплачваецца.
Таксама з 1 студзеня 2021 года ўведзены транспартны падатак, аб'ектам падаткаабкладання якім прызнаюцца транспартныя сродкі, зарэгістраваныя за фізічнымі асобамі або арганізацыямі ў Дзяржаўнай аўтамабільнай інспекцыі Міністэрства ўнутраных спраў.
У выпадку, калі дазвол быў выдадзены да 1 студзеня 2021, то дзяржаўная пошліна, выплачаная ў адпаведнасці з заканадаўствам за яго выдачу, не вяртаецца і не залічваецца ў кошт выплаты падаткаў, у тым ліку транспартнага падатку, збораў (пошлiн), пеняў. Пры гэтым транспартны падатак не выплачваецца за транспартны сродак, у дачыненні да якога не скончыўся тэрмін дзеяння дазволу, за выдачу якога была выплачаная дзяржаўная пошліна.
Падставы вяртання або заліку дзяржаўнай пошліны вызначаны ў артыкуле 292 ПК. Напрыклад, вяртанне або залік поўнасцю або часткова выплачанай сумы дзяржаўнай пошліны за выдачу дазволу на допуск транспартнага сродку да ўдзелу ў дарожным руху могуць быць зроблены, калі:
дзяржаўная пошліна выплачана ў большым памеры або не павінна была выплачвацца;
плацельшчык, які выплаціў дзяржаўную пошліну, адмаўляецца ад выдачы дазволу на допуск транспартнага сродку да ўдзелу ў дарожным руху да звароту ў УП «Белтэхагляд»;
плацельшчыку адмоўлена ў выдачы дазволу на допуск транспартнага сродку да ўдзелу ў дарожным руху.
У іншых выпадках вяртанне або залік дзяржаўнай пошліны не ажыццяўляюцца, паколькі юрыдычна значнае дзеянне, за якое выплачана дзяржаўная пошліна, – выдача дазволу на допуск транспартнага сродку да ўдзелу ў дарожным руху – здзейснена.
