З 2021 года Пастановай Савета Міністраў Рэспублікі Беларусь ад 17 верасня 2020 г. № 538 унесены наступныя змены ў заканадаўства па сацыяльным абслугоўванні:
пашыраны катэгорыі інвалідаў, якія маюць права на пасяленне ў спецыяльныя дамы для ветэранаў, састарэлых і інвалідаў з мэтай аказання паслуг суправаджальнага пражывання. Такія паслугі прадугледжаны для інвалідаў з лёгкім, умераным або выяўленым парушэннем здольнасці да самаабслугоўвання з ліку: асоб, якія пражываюць у дамах-інтэрнатах для дзяцей-інвалідаў, дамах-інтэрнатах агульнага тыпу, псіханеўралагічных дамах-інтэрнатах; асоб, якія не маюць ва ўласнасці жылых памяшканняў і асоб, абавязаных па законе іх утрымліваць;
зменены механізм пасялення дзяцей-інвалідаў, якія маюць бацькоў, у дамы-інтэрнаты. Устаноўлена, што падставай для пасялення будзе з’яўляцца не толькі заява бацькоў, але і рашэнне мясцовага выканаўчага і распарадчага органа. Такое рашэнне будзе прымацца ў выпадку немагчымасці стварэння ўмоў для прадастаўлення дзіцяці-інваліду неабходных адукацыйных, медыцынскіх і сацыяльных паслуг па месцы жыхарства;
павялічаны нарматыў забяспечанасці паслугай сацыяльнай перадышкі для падтрымкі сем’яў, якія выхоўваюць дзяцей-інвалідаў, з 28 да 56 дзён на год;
уведзены паслугі дзённага знаходжання у стацыянарных установах сацыяльнага абслугоўвання;
зменены нарматывы аказання асобных сацыяльных паслуг. Паслугі, накіраваныя на арганізацыю догляду непрацаздольнх грамадзян, будуць давацца ў залежнасці ад патрэбы чалавека;
зменены падыходы да прадастаўлення паслуг, звязаных з падтрыманнем парадку ў жылым памяшканні. Такія паслугі прадугледжаны толькі для адзінокіх грамадзян і грамадзян, якія пражываюць асобна ад працаздольных членаў сям’і;
павялічаны нарматыў аказання паслуг перакладчыка мовы жэстаў з 36 да 90 гадзін на год;
павялічаны з 4 да 10 гадзін на тыдзень перыяд, на працягу якога пры аказанні паслугі няні бацькі могуць пакінуць з ёй дзіцяці;
павялічаны перыяд аказання паслугі няні сем’ям, у якіх абодва бацькі або адзін з бацькоў у няпоўнай сям’і з’яўляюцца інвалідамі I або II групы, да спаўнення дзіцяці 6 гадоў (раней – да дасягнення дзіцем (дзецьмі) узросту 4 гадоў);
уведзены новыя сацыяльныя паслугі: паслуга дзённага нагляду для грамадзян, якія страцілі здольнасць ажыццяўляць кантроль паводзін; паслуга па арганізацыі работы гурткоў дома для выпускнікоў цэнтраў карэкцыйна-развіваючага навучання і рэабілітацыі; сацыяльна-бытавыя паслугі: мыццё посуду, чыстка ўнітаза, мыццё халадзільніка; паслугі па навучанні сваякоў навыкам догляду;
спрошчана працэдура фарміравання замяшчальных сем’яў. Выключана норма аб неабходнасці рэгістрацыі па месцы пражывання непрацаздольнага грамадзяніна альбо памочніка.
Вызначаны наступныя парадак і ўмовы аказання сацыяльных паслуг:
паслугі дзённага знаходжання стацыянарнымі ўстановамі сацыяльнага абслугоўвання будуць аказвацца за плату ў памеры кошту і ў памеры кошту харчавання;
паслугі дзённага нагляду будуць аказвацца тэрытарыяльнымі цэнтрамі сацыяльнага абслугоўвання насельніцтва (далей – цэнтры) на даму або ў аддзяленнях дзённага знаходжання на ўмовах частковай (для малазабяспечаных адзінокіх непрацаздольных грамадзян) або поўнай аплаты па ўстаноўленых тарыфах;
паслугі па навучанні членаў сем’яў, якія ажыццяўляюць догляд непрацаздольных грамадзян, навыкам догляду – без збірання аплаты. Аказанне дадзеных паслуг прадугледжана як на даму, так і непасрэдна ў цэнтрах;
сем’ям, у якіх абодва бацькі (маці (мачыха)), бацька (айчым) або бацька (маці) у няпоўнай сям’і з’яўляюцца інвалідамі I або II групы, паслугі няні будуць прадастаўляцца на бязвыплатнай аснове.
Даведачна: паслугі няні не прадастаўляюцца ў выпадку, калі:
дзіця (дзіця-інвалід) атрымлівае асноўную або спецыяльную адукацыю ва ўстановах адукацыі (за выключэннем атрымання адукацыі дома);
дзіця-інвалід атрымлівае асноўную або спецыяльную адукацыю ва ўстановах адукацыі, а дадатковая адукацыя для дзяцей і моладзі – на даму;
аказваюцца паслугі ў форме напаўстацыянарнага сацыяльнага абслугоўвання, а таксама паслугі догляду дзяцей-інвалідаў (паслугі сацыяльнай перадышкі), якія аказваюцца дамамі-інтэрнатамі для дзяцей-інвалідаў;
догляд дзіцяці-інваліда (дзяцей-інвалідаў) з атрыманнем дапамогі па доглядзе дзіцяці-інваліда ажыццяўляе іншая асоба, якая не з’яўляецца бацькам (маці (мачахай)), бацькам (айчымам), законным прадстаўніком».
