Указам Прэзідэнта Рэспублікі Беларусь ад 7 жніўня 2018 г. № 305 «Аб удасканаленні прававога рэгулявання ігральнага бізнесу», урэгуляваны парадак арганізацыі і (або) правядзення анлайн азартных гульняў.
У цяперашні час, у адпаведнасці з указам у Рэспубліцы Беларусь не забаронены ўдзел у азартных гульнях, якія арганізуюцца і праводзяцца з дапамогай сеткі інтэрнэт замежнымі арганізатарамі азартных гульняў. Грамадзяне Рэспублікі Беларусь таксама маюць доступ да інфармацыйных паведамленняў і (або) матэрыялаў, размешчаных у сетцы інтэрнэт, якія змяшчаюць інфармацыю аб анлайн ігральным бізнэсе.
Аднак з 1 красавіка 2021 г. пунктам 3 Указа ўводзіцца забарона да распаўсюджвання інфармацыі, змест якой накіраваны на арганізацыю і (або) правядзенне азартных гульняў з выкарыстаннем сеткі інтэрнэт у парушэнне патрабаванняў заканадаўчых актаў, якія рэгулююць дзейнасць у сферы ігральнага бізнесу.
Азначанае азначае, што арганізацыя і (або) правядзенне анлайн азартных гульняў будуць магчымыя толькі ў выпадку выкарыстання віртуальных ігральных устаноў, якія адказваюць заканадаўча ўстаноўленым патрабаванням і толькі на падставе адпаведнага дазволу (ліцэнзіі), які выдаецца Міністэрствам па падатках і зборах.
У сувязі з выкладзеным, звяртаем увагу на наступнае.
1. Юрыдычныя асобы, у тым ліку замежныя суб’екты гаспадарання, якія ажыццяўляюць на тэрыторыі Рэспублікі Беларусь арганізацыю і (або) правядзенне анлайн азартных гульняў, з 1 красавіка 2021 г.абавязаны спыніць ажыццяўляць такую дзейнасць да прывядзення яе ў адпаведнасць з новымі патрабаваннямі заканадаўства. Яе працяг на ранейшых умовах становіцца незаконным; такім чынам:
–доступ да сайтаў, якія змяшчаюць інфармацыю аб арганізацыі і (або) правядзенні азартных гульняў з выкарыстаннем сеткі інтэрнэт у парушэнне патрабаванняў заканадаўчых актаў, якія рэгулююць дзейнасць у сферы ігральнага бізнесу, будзе абмяжоўвацца;
Даведачна. У адпаведнасці з часткай 1 артыкула 13.3 Кодэкса Рэспублікі Беларусь аб адміністрацыйных правапарушэннях прадпрымальніцкая дзейнасць, якая ажыццяўляецца без спецыяльнага дазволу (ліцэнзіі), калі такі спецыяльны дазвол (ліцэнзія) абавязковы, альбо з парушэннем правілаў і ўмоў ажыццяўлення відаў дзейнасці, прадугледжаных у спецыяльных дазволах (ліцэнзіях), – цягне накладанне штрафу ў памеры ад 10 да 50 базавых велічынь, на індывідуальнага прадпрымальніка – ад дзесяці да двухсот базавых велічынь з канфіскацыяй да ста працэнтаў сумы даходу, атрыманага ў выніку такой дзейнасці, або без канфіскацыі, а на юрыдычную асобу – да пяцісот базавых велічынь з канфіскацыяй да ста працэнтаў сумы даходу, атрыманага ў выніку такой дзейнасці, або без канфіскацыі.
У адпаведнасці з часткай 1 артыкула 233 Крымінальнага кодэкса Рэспублікі Беларусь прадпрымальніцкая дзейнасць, якая ажыццяўляецца без спецыяльнага дазволу (ліцэнзіі), калі такі спецыяльны дазвол (ліцэнзія) абавязковы (прадпрымальніцкая дзейнасць, якая ажыццяўляецца без спецыяльнага дазволу (ліцэнзіі)), спалучаная з атрыманнем даходу ў буйным памеры, – караецца штрафам, або пазбаўленнем права займаць пэўныя пасады або займацца пэўнай дзейнасцю, або арыштам, або абмежаваннем волі на тэрмін да двух гадоў, або пазбаўленнем волі на той жа тэрмін са штрафам або без штрафу.
2. Удзельнікі анлайн азартных гульняў могут азнаёміцца з інфармацыяй аб арганізатарах азартных гульняў, якія маюць спецыяльны дазвол (ліцэнзію) на права ажыццяўлення дзейнасці ў сферы ігральнага бізнесу віртуальнай ігральнай ўстановы з дапамогай адзінага рэестра ліцэнзій, даступнага па спасылцы https://url.nces.by/.
Пры гэтым варта ўлічваць, што ўдзел у азартных гульнях у сетцы інтэрнэт, якія арганізуюцца і (або) праводзяцца суб’ектамі гаспадарання без адпаведнага спецыяльнага дазволу (ліцэнзіі), можа пацягнуць для анлайнгульцоў негатыўныя, у тым ліку фінансавыя, наступствы, паколькі ніякія прававыя нормы не рэгулююць парадак ажыццяўлення гэтага віду дзейнасці, а, такім чынам, правы і законныя інтарэсы гульцоў не падлягаюць прававой абароне ў адпаведнасці з заканадаўствам Рэспублікі Беларусь.
