Народны паэт Беларусі, лаўрэат Дзяржаўнай прэміі БССР Рыгор Барадулін перадаў у дар чытачам абласной бібліятэкі імя У.І.Леніна сваю новую кнігу "Ксты", якая з’яўляецца этапнай ў жыцці творцы. Аб гэтым карэспандэнду сайта паведамілі спецыялісты ўстановы культуры.

У кнізе, выдадзенай ў гэтым годзе ў Мінску, сабраныя вершы, напісаныя на мяжы ХХ—ХХІ стст. «Гэта — кніга-малітва, кніга-споведзь, кніга-пакаянне, падзяка Усявышняму і Маме. Паэт у сваіх вершах звяртаецца да кожнага чалавека. Ён разважае над пытаннямі вечнага і зямнога, нясе людзям агульначалавечыя пастулаты Хрысціянства», - адзначылі супрацоўнікі бібліятэкі.