У лік уладальнікаў дзяржаўных узнагарод увайшлі жыхары Магілёва

Прэзідэнт Рэспублікі Беларусь Аляксандр Лукашэнка ўдастоіў дзяржаўных узнагарод прадстаўнікоў розных сфер дзейнасці за шматгадовую плённую працу, узорнае выкананне службовых абавязкаў, актыўную дзяржаўную і грамадскую дзейнасць, дасягненне высокіх вытворчых паказчыкаў, значны асабісты ўклад у развіццё заканадаўства і парламентарызму, будаўнічай галіны і сельскай гаспадаркі, навуковай і педагагічнай дзейнасці, сферы мастацтва, культуры і спорту. Адпаведны ўказ кіраўнік дзяржавы падпісаў 2 чэрвеня.

У лік уладальнікаў дзяржаўных узнагарод  увайшлі і жыхары Магілёва. Так, медалём «За працоўныя заслугі» узнагароджаны прарэктар па адміністрацыйна-гаспадарчай рабоце ўстановы адукацыі «Магілёўскі дзяржаўны ўніверсітэт харчавання» Валянцін Арсенавіч Крукоўскі. Званне «Заслужаны работнік адукацыі Рэспублікі Беларусь» прысвоена Нінэль Мікалаеўне Бардуновай – педагогу дадатковай адукацыі, мастацкаму кіраўніку заслужанага аматарскага калектыву Рэспублікі Беларусь тэатра-студыі «Радуга» дзяржаўнай установы дадатковай адукацыі «Абласны цэнтр творчасці».