У Магілёве пройдзе III Нацыянальны форум «Музеі Беларусі»

У Магілёве 1-2 кастрычніка пройдзе III Нацыянальны форум «Музеі Беларусі». Месцам яго правядзення вызначаны спорткомплекс «Алімпіец».

ІІІ Нацыянальны форум «Музеі Беларусі» стане адной з найважнейшых падзей культурнага жыцця краіны. У Магілёве збяруцца музейныя работнікі і спецыялісты ў галіне музеялогіі і музейных тэхналогій.  На форуме будуць абмеркаваны актуальныя праблемы музейнай дзейнасці і вызначаны перспектыўныя напрамкі развіцця,  прадстаўлены лепшыя праекты, праграмы, публікацыі. 

Арганізатарамі буйнога мерапрыемства выступаюць Міністэрства культуры Рэспублікі Беларусь, Магілёўскі абласны выканаўчы камітэт, Магілёўскі абласны краязнаўчы музей імя Е.Р. Раманава, савет дырэктароў рэспубліканскіх і абласных музеяў, Беларускі камітэт Міжнароднага савета музеяў «ІСОМ».