Рус Бел Eng 中文

Выставу «Сімвалы незалежнасці: даўніна і сучаснасць» падрыхтавалі ў Магілёве да Дня Дзяржаўнага герба і Дзяржаўнага сцяга

У аддзеле беларускай і краязнаўчай літаратуры Магілёўскай абласной бібліятэкі імя У. Леніна разгорнута выстава «Сімвалы незалежнасці: даўніна і сучаснасць», паведамілі карэспандэнту сайта ва ўстанове культуры.

Па словах суразмоўцаў, на ёй прадстаўлены матэрыялы, якія раскрываюць шляхі развіцця геральдычнай традыцыі на землях Беларусі ад даўніх часоў да сённяшняга дня. Сярод прапануемых выданняў - «Канстытуцыя нашай дзяржавы», «Мы Беларусы», «Белорусский путь»,«Рэспубліка Беларусь - 20 год незалежнасці», «Геральдыка Беларусі» А. Цітова, «Гербы и флаги Беларуси» У. І. Адамушкі, «Геральдические символы Могилевщины» В. С. Багданава і інш. 

Таксама шырокаму колу чытачоў адрасаваны тэматычныя выставы да Дня Дзяржаўнага герба і Дзяржаўнага сцяга Рэспублікі Беларусь, азнаёміцца з якімі запрашаюць іншыя аддзелы бібліятэкі. Усе экспазіціі будуць дзейнічаць да 30 мая. 

При использовании материалов активная гиперссылка на mogilev-region.gov.by обязательна