Алег Дзьячэнка: кіраўнік дзяржавы праяўляе цікавасць да самых надзённых праблем, якія хвалююць жыхароў рэгіёнаў

У час рабочай паездкі ў Касцюковіцкі раён кіраўнік дзяржавы на месцы азнаёміўся з вынікамі сацыяльна-эканамічнага развіцця паўднёва-ўсходняга рэгіёну Магілёўскай вобласці і вызначыў тыя задачы, якія неабходны для паляпшэння работы рэгіянальнай эканомікі і павышэння ўзроўню жыцця насельніцтва. Адпаведныя дадатковыя ўмовы былі створаны яшчэ чатыры гады таму, дзякуючы Указу № 177. На гэта звярнуў увагу намеснік старшыні Пастаяннай камісіі Палаты прадстаўнікоў па міжнародных справах Алег Дзьячэнка.

- Усе гэтыя пытанні знаходзяцца на пастаянным кантролі Прэзідэнта Беларусі. Гэта і развіццё на навуковай аснове сельскай гаспадаркі, раслінаводства, і павышэнне прадукцыйнасці працы, і зніжэнне затрат на выкарыстанне аграрнай тэхнікі. Але галоўны капітал сёння - гэта людзі, простыя працаўнікі. Таму кіраўнік дзяржавы праяўляе цікавасць да самых надзённых праблем, якія хвалююць жыхароў раёна (праца аўтакрам і забеспячэнне харчовымі таварамі і медыкаментамі, арганізацыя камфортных умоў працы і адпачынку людзей, падтрымка шматдзетных сем'яў і моладзі, функцыянаванне ўстаноў культуры, адукацыі, ваенна-патрыятычных клубаў, калектываў. мастацкай самадзейнасці). Бо «не хлебам адзіным» жывы чалавек.

Парламентарый падкрэсліў, што асаблівая ўвага кіраўніком дзяржавы ўдзяляецца добраўпарадкаванню тэрыторый, рацыянальнаму выкарыстанню кожнага кавалка зямлі. Гэтым, паводле яго слоў, заўсёды адрозніваліся беларусы - руплівым стаўленнем да зямлі-матухны. Па-іншаму, падкрэслівае Алег Дзьячэнка, у нас не атрымліваецца. У Год якасці гэтая тэма, дадае ён, гучыць больш за актуальна.

- Дзеля справядлівасці трэба адзначыць, што і самі жыхары заўсёды з нецярпеннем чакаюць сустрэч з Прэзідэнтам. Для іх гэта магчымасць не толькі пагутарыць на хвалюючыя тэмы, але і асабіста выказаць словы падзякі за створаныя ўмовы мірнай працы і спакойнага жыцця. Падчас такіх простых і даверных зносін з уладай у людзей з'яўляецца дадатковы матывацыйны імпульс працаваць больш і якасней, каб зрабіць жыццё яшчэ багацейшым і лепшым.

Алег Дзячэнка падкрэслівае:

- У сваю чаргу і кіраўніку дзяржавы важна мець прамую зваротную сувязь са сваімі выбаршчыкамі - у мэтах больш глыбокага і поўнага разумення працэсаў, што адбываюцца ў беларускай глыбінцы, а таксама для таго, каб параіцца з людзьмі, напрыклад, па пытанню будаўніцтва другой БелАЭС.

СБ