моладзь

II маладзёжны форум «Энергія будучыні» стартаваў у Магілёве. Ён аб'яднаў 60 маладых энергетыкаў з розных куткоў нашага рэгіёна. Сярод іх актывісты грамадскіх аб'яднанняў і маладыя спецыялісты філіялаў «Магілёўэнерга».

Агляд-конкурс ініцыятыў «Маладзёжны погляд: бітва ідэй» пройдзе ў Бабруйску. Да ўдзелу гарвыканкам, гарадскі Савет дэпутатаў і Маладзёжны савет пры гарсавеце дэпутатаў запрашаюць прадстаўнікоў маладзёжных і грамадскіх аб'яднанняў, устаноў адукацыі і арганізацый, ініцыятыўныя групы грамадзян і землякоў ва ўзросце да 31 года.

Зборная Беларусі заваявала пяць медалёў на міжнародных адкрытых спаборніцтвах у рамках нацыянальнага чэмпіянату «Абілімпікс» у Маскве. Аб гэтым паведамляе Рэспубліканскі інстытут прафесійнай адукацыі.

Рэспубліканскі турнір па інтэлектуальных гульнях сярод школьнікаў «Восень-2025» пройдзе 1 лістапада ў Нацыянальным цэнтры мастацкай творчасці дзяцей і моладзі (НЦМТДМ) у Мінску.

Турнір закліканы прапагандаваць веды і інтэлектуальныя формы вольнага часу сярод дзяцей і падлеткаў.

Спаборнічаць за кубак будуць школьныя каманды ўстаноў дадатковай адукацыі дзяцей і моладзі з усіх рэгіёнаў Беларусі. Чакаецца ўдзел 35 каманд, у складзе якіх 210 чалавек.

У Магілёўскім дзяржаўным універсітэце імя А.А. Куляшова прайшла матывацыйная сустрэча з Марынай Васілеўскай. Намеснік старшыні праўлення Беларускага фонду міру і першая жанчына-касманаўт Беларусі расказала аб сваёй грамадскай дзейнасці на карысць міру і падзялілася ўнікальнымі ўспамінамі аб палёце ў космас.

Прадстаўнікі Магілёўскага абласнога выканаўчага камітэта прынялі ўдзел у рабоце камісіі Парламенцкага Сходу па маладзёжнай палітыцы, спорце і турызме, які праходзіў у рэжыме анлайн.

Да відэаканферэнц-сувязі таксама далучыліся дэпутаты Парламенцкага Сходу Саюза Беларусі і Расіі, прадстаўнікі Пастаяннага Камітэта Саюзнай дзяржавы, міністэрстваў і ведамстваў.

Моладзь Магілёўскай вобласці далучылася да добраахвотнай грамадскай акцыі па аднаўленні лясоў акцыі «Дай лесу новае жыццё». Хлопцы і дзяўчаты працавалі на тэрыторыі Шклоўскага раёна ў вёсцы Крывель.

Маштабную дабрачынную акцыю па добраўпарадкаванні тэрыторыі ўнікальнага Храма Святой Жываначальнай Тройцы ў аграгарадку Узыход арганізуюць 28 кастрычніка актывісты і валанцёры БРСМ. Пра гэта расказалі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

Моладзь зоймецца добраўпарадкаваннем тэрыторыі ля храма. Паводле слоў субяседнікаў, там будзе высаджана больш як 70 дэкаратыўных раслін, сярод якіх самшыт, спірэй і туі, а таксама ўстаноўлены новыя вулічныя лаўкі.

У сценах філіяла УА «БТЭУПК» «Магілёўскі гандлёвы каледж» адбылася дыялогавая пляцоўка «Беларусь суверэнная». Перад моладдзю выступілі старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Рэспублікі Беларусь Ігар Марзалюк і старшыня Магілёўскай абласной арганізацыі РГА «Патрыёты Беларусі» Аляксандр Шкадаў.

Актыў саюза моладзі 24 кастрычніка возьме ўдзел у маштабнай грамадскай акцыі па аднаўленні лясоў «Дай лесу новае жыццё». Пра гэта расказалі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

Маладыя людзі адправяцца на спецыяльна падрыхтаваны ўчастак, дзе пасадзяць саджанцы іглічных парод.

Дыялогавая пляцоўка на тэму «Сям'я пад абаронай закона» пройдзе ў Беларуска-Расійскім універсітэце 16 кастрычніка. Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

«Мэта мерапрыемства - зрабіць заканадаўства даступным і зразумелым для кожнай сям'і, - растлумачылі ў моладзевай арганізацыі. - Для таго, каб маладыя грамадзяне ведалі свае правы і ўмелі іх абараняць, асабліва ў такой важнай сферы, як сямейныя адносіны».

Рэспубліканская акцыя «Моладзь за бяспеку» працягваецца ў Магілёўскай вобласці. Інспектар Дрыбінскага раённага РАНС Аляксей Пятніцкі, узброіўшыся падтрымкай актывістаў раённага аддзялення Беларускай маладзёжнай грамадскай арганізацыі ратавальнікаў-пажарных, наведаў самотна пражываючых пенсіянераў.

Паседжанне Студэнцкай лігі маладых аналітыкаў прайшло ў Магілёве. Гэты праект 4 гады таму запусціў беларускі інстытут стратэгічных даследаванняў. Асноўныя мэты - паглыбленне тэарэтычных ведаў і развіццё аналітычных навыкаў студэнтаў ВНУ.

Удзельнікі міжнароднага маладзёжнага праекта «Мы - верныя нашчадкі Айчыны» прыбылі на Быхаўшчыну. Так, маладзёжная дэлегацыя Бранскай вобласці пабывала на мемарыяле воінскай славы «Лудчыцкая вышыня». Гэты мемарыял - сімвал мужнасці і стойкасці, месца, дзе кожны камень нагадвае аб подзвігу салдат, якія абаранялі нашу Радзіму.

Каля 5,5 тысяч месцаў сёлета было выдзелена для абітурыентаў-мэтавікоў на ўзровень прафесійна-тэхнічнай адукацыі. У параўнанні з мінулым годам - гэта больш чым на тысячу месцаў. Мэтавы напрамак становіцца ўсё больш папулярным сярод моладзі. Гэта і практыка на вытворчасці, і гарантаванае працаўладкаванне на абраным прадпрыемстве. Сваіх мэтавікоў у пачатку навучальнага года вітала найбуйнейшае кандытарскае прадпрыемства рэгіёну – «Чырвоны харчавік».

Нюансы працы, падтрымку і матывацыю моладзі абмеркавалі ў Магілёве на дыялогавай пляцоўцы для маладых медыкаў. Пра гэта расказалі ў Магілёўскай абласной арганізацыі Беларускага прафсаюза аховы здароўя.

Дыялогавая пляцоўка для маладых медыкаў рэгіёну, прысвечаная Дню народнага адзінства, пройдзе 18 верасня ў Музеі Славы Магілёўшчыны. У ёй прымуць удзел больш за 80 спецыялістаў з усёй вобласці. Аб гэтым карэспандэнту БЕЛТА паведамілі ў Магілёўскай абласной арганізацыі Беларускага прафсаюза работнікаў аховы здароўя.

Удзельнікаў чакае экскурсія па музеі і адкрыты дыялог з кіраўніцтвам рэгіёна і галіны аховы здароўя.

Абласное свята «Разам мы - будучыня краіны», прысвечанае 35-годдзю Беларускай рэспубліканскай піянерскай арганізацыі, пройдзе 11 верасня ў Магілёўскім абласным цэнтры творчасці. Пра гэта расказалі ва ўстанове дадатковай адукацыі.

Дзесяць маладых спецыялістаў папоўнілі калектыў Беларуска-Расійскага ўніверсітэта. Для іх плаўнага ўваходжання ў прафесійнае асяроддзе і знаёмства з традыцыямі ВНУ была арганізавана сустрэча з адміністрацыяй і прафсаюзным камітэтам.

Падчас пленарнага пасяджэння маладзёжнага форуму Саюзнай дзяржавы «Роля моладзі ў захаванні і абароне гістарычнай памяці» ў Музеі Славы Магілёўшчыны ў Буйнічах маладыя ўдзельнікі звярнуліся да сучаснага пакалення з пасланнем берагчы агульную гісторыю.