Рус Бел Eng 中文

Семінары «Як на зямлі зарабіць грошы» арганізуюць у Крычаве па праекце ПРААН

Адукацыйны курс «Як на зямлі зарабіць грошы» стартуе ў Крычаве 22 сакавіка, паведамілі ў бізнэс-інкубатары «Моладзевая сацыяльная служба».

Бясплатныя семінары арганізуюць па праекце ПРААН «Садзейнічанне занятасці і самазанятасці насельніцтва ў малых і сярэдніх гарадах Беларусі» пры садзейнічанні Крычаўскага раённага выканаўчага камітэта. Яны накіраваны на развіццё патэнцыялу беларускага прадпрымальніцтва і самазанятасці насельніцтва.

Да ўдзелу ў мерапрыемствах 22 і 23 сакавіка запрашаюцца ўладальнікі зямельных участкаў, якія плануюць займацца вырошчваннем сельскагаспадарчых культур і атрымліваць дадатковы прыбытак. Ім акажуць комплексную падтрымку ў рэалізацыі праектаў, прапануюць выразны план дзеянняў, апрабаваныя рашэнні, тэхналогіі і інструменты кіравання.

Дасведчаныя спікеры раскажуць і пакажуць прыклады вырошчвання эканамічна выгадных сельскагаспадарчых культур на сваім зямельным участку, прадставяць працоўную мадэль фермерскай гаспадаркі. Таксама жыхары райцэнтра і раёна азнаёмяцца з прыкладамі ўдалых рашэнняў нестандартных задач, рэалізацыі творчага і прадпрымальніцкага патэнцыялу, атрымаюць кансультацыі экспертаў і ментараў, падрыхтуюць план пасадкі раслін на ўчастку.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая