RU BY EN 中文
Twitter Instagram

Тыдзень беларускага прадпрымальніцтва пройдзе з 24 лютага па 1 сакавіка

V Тыдзень беларускага прадпрымальніцтва пройдзе з 24 лютага па 1 сакавіка, паведамляецца на сайце Нацыянальнага прававога інтэрнэт-партала.

Форум праводзіць Рэспубліканская канфедэрацыя прадпрымальніцтва пры падтрымцы Міністэрства эканомікі, Дэпартамента па прадпрымальніцтве Мінэканомікі, Беларускага фонду фінансавай падтрымкі прадпрымальніцтва і рэгіянальных бізнес-асацыяцый.

У праграме–семінары, канферэнцыі, выступленні топ-менеджараў і бізнес-лідараў, сустрэчы прадстаўнікоў бізнесу і ўлады, пасяджэнні саветаў па развіцці прадпрымальніцтва, а таксама панэльныя дыскусіі і круглыя сталы, удзельнікі якіх разгледзяць пытанні і прыярытэты развіцця прадпрымальніцкай дзейнасці ў Беларусі.

Ва ўсіх рэгіёнах краіны будуць праведзеныя акцыі «Прадпрымальнік аб прадпрымальніцтве» і«Дэманструем свой бізнес».

Падчас форума пройдуць міжнародны сэмінар «Інтэлектуальная ўласнасць у сучасным свеце: новыя выклікі», канферэнцыя, прысвечаная развіццю сельскіх тэрыторый у Беларусі, а таксама другі форум «IT-краіна, лічбавізацыі і аддаленая праца – вядучыя тэндэнцыі развіцця эканомікі. Роля бізнесу і дзяржавы ў гэтых працэсах».

Плануецца, што падчас Тыдня беларускага прадпрымальніцтва будуць прадстаўлены вынікі апытання індэкса дзелавога аптымізму–2020. Чакаецца падпісанне пагаднення аб супрацоўніцтве паміж Рэспубліканскай канфедэрацыяй прадпрымальніцтва і АР ГА«Деловая Россия»– найбуйнейшым аб’яднаннем несыравінавага бізнесу, прадстаўленым у 82 рэгіёнах Расійскай Федэрацыі.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая