Урачысты пуск сістэмы карыстання прыродным газам адбыўся сёння ў рабочым пасёлку Татарка Асіповіцкага раёна. У цырымоніі прыняў удзел Міністр энергетыкі Уладзімір Патупчык, паведамілі ў Міністэрстве энергетыкі.

Кірмаш «Калядны Гасцінец» адкрыўся сёння ў Цэнтры культуры Бабруйскага раёна (вул.Савецкая, 77а). Пра гэта карэспандэнту сайта паведамілі ў Магілёўскім аддзяленні Беларускай гандлёва-прамысловай палаты.

Калядны кадэцкі баль адбудзецца 18 снежня ў магілёўскім Палацы грамадзянскіх абрадаў. Традыцыйнае мерапрыемства пройдзе ў рамках дабрачыннай рэспубліканскай акцыі «Нашы дзеці», заўважыў дырэктар Магілёўскага абласнога кадэцкага вучылішча Юрый Грышанаў.

Новыя яслі-сад сёння ўрачыста адкрылі ў Магілёве. Сацыяльны аб’ект, якому прысвоілі нумар 117, размясціўся ў той частцы мікрараёна Казіміраўка, дзе ў апошнія гады вядзецца актыўнае жыллёвае будаўніцтва.

Беларуска-Расійскі ўніверсітэт 16 снежня запрашае абітурыентаў на Дзень адкрытых дзвярэй, які пачнецца ў 11.00 у актавай зале першага корпуса (пр. Міру, 43). Пра гэта карэспандэнту сайта паведамілі ў адміністрацыі ВНУ.

Прамую тэлефонную лінію 15 снежня правядзе першы намеснік начальніка Галоўнага статыстычнага ўпраўлення Магілёўскай вобласці Святлана Леанідаўна Юрашкевіч. Свае пытанні жыхары рэгіёна могуць задаць з 10.00 да 12.00 па тэлефоне 8 (0222) 22 24 59.

Да ініцыятывы ЕС «Пагадненне мэраў па клімаце і энергіі» далучылася яшчэ 20 гарадоў Беларусі. Цырымонія падпісання дэкларацыі аб далучэнні адбылася ў Мінску на міжнароднай канферэнцыі, прысвечанай сумесным дзеянням у рамках ініцыятывы.

Каля Br40 тыс. сабрана падчас дабрачыннага тэлемарафона «Сагрэем дзіцячыя сэрцы», які прайшоў у эфіры тэлеканала «Беларусь 4. Магілёў». Пра гэта, падводзячы вынікі мерапрыемства, паведаміла дырэктар Магілёўскага аддзялення РГА «Беларускі дзіцячы фонд» Ірына Фісюк.

За апошнія тры гады колькасць міні-палігонаў у Магілёўскай вобласці знізілася амаль у тры разы. Пра гэта паведаміў начальнік аддзела добраўпарадкавання і працы з ВМР дзяржаўнага аб’яднання «ЖКГ Магілёўскай вобласці» Дзмітрый Пыркін.

Да 80-гадовага юбілею ў Магілёўскай вобласці аб’яўлена акцыя «Эстафета добрых спраў», якая пройдзе ў рэгіёне з 14 снежня 2017 года да 15 студзеня 2018 года. Пра гэта карэспандэнту сайта паведамілі ў галоўным упраўленні ідэалагічнай работы, культуры і па справах моладзі аблвыканкама.

Міністэрства юстыцыі назвала самыя папулярныя імёны, якія ў Магілёўскай вобласці бацькі давалі дзецям у 2017 годзе.

У Магілёўскай вобласці мінімізавана колькасць месцаў, забароненых для агітацыі на мясцовых выбарах. Пра гэта паведаміў старшыня Магілёўскай абласной выбарчай камісіі па выбарах дэпутатаў мясцовых Саветаў дэпутатаў 28-га склікання Валерый Берастаў.

Дні беларускага кіно пройдуць у кінатэатрах Магілёва з 15 па 20 снежня. Пра гэта карэспандэнту сайта паведамілі ў Магілёўскім дзяржаўным прадпрыемстве «Кінавідэапракат».

У цэнтры Магілёва перакрыюць рух транспарту ўвечары 13 снежня. Адпаведнае рашэнне прынята ў сувязі з падрыхтоўкай святочных мерапрыемстваў, паведамілі карэспандэнту сайта ў аддзеле энергетыкі і транспарту ўпраўлення эканомікі гарвыканкама.

ДАІ Магілёўскай вобласці ўзмоцніць кантроль за захаваннем бяспекі пры перавозцы пасажыраў і грузаў арганізацыямі і індывідуальнымі прадпрымальнікамі.

Рэспубліканская дабрачынная акцыя «Цуды на Каляды» стартавала ў Магілёўскай вобласці. Курыруюць праект у рэгіёне абласныя камітэт ГА «Беларускі рэспубліканскі саюз моладзі» і Савет Беларускай рэспубліканскай піянерскай арганізацыі.

Пераднавагодні кірмаш будзе працаваць 21-24 снежня ў ГЦ «Парк Сіці» (вул. Мінская шаша, 31). Пра гэта паведамілі ў Магілёўскім аддзяленні Беларускай гандлёва-прамысловай палаты.

На пасяджэнні калегіі Камітэта дзяржкантролю Магілёўскай вобласці разгледжаны вынікі кантролю за сітуацыяй на рынку працы і ходу выканання ў рэгіёне даручэнняў кіраўніка дзяржавы па стварэнні новых працоўных месцаў.

Больш за 50 несанкцыянаваных звалак ліквідавана за лістапад у Магілёўскай вобласці. Пра гэта паведамілі ў аддзяленні камунальнай гігіены Магілёўскага абласнога цэнтра гігіены, эпідэміялогіі і грамадскага здароўя.

Прамую тэлефонную лінію правядзе 14 снежня начальнік упраўлення па грамадзянстве і міграцыі УУС Магілёўскага аблвыканкама палкоўнік міліцыі Сяргей Яўгенавіч Крукаў.