RU BY EN 中文
Twitter Instagram

Абласны агляд-конкурс «Не старэюць душой ветэраны» стартуе ў Магілёўскай вобласці

Занальныя этапы абласнога агляду-конкурсу калектываў мастацкай творчасці і індывідуальных выканаўцаў XV Рэспубліканскага фестывалю народнай творчасці ветэранскіх калектываў «Не старэюць душой ветэраны» пройдуць 19–26 лютага ў Магілёўскай вобласці. Пра гэта паведамілі ў абласным аб’яднанні прафсаюзаў.

У аглядзе-конкурсе прымаюць удзел прадстаўнікі ўстаноў культуры і адукацыі, грамадскіх аб’яднанняў па шасці намінацыях: вакальна-харавое,

музычна-інструментальнае, харэаграфічнае, тэатральнае і дэкаратыўна-прыкладное мастацтва, а таксама сольнае выканальніцтва.

Рэгіянальныя адборачныя туры адбудуцца:

19 лютага ў Чэрыкаве на базе раённага цэнтра культуры ДУК «Цэнтралізаваная клубная сістэма Чэрыкаўскага раёна» з удзелам мастацкіх калектываў і індывідуальных выканаўцаў Клімавіцкага, Касцюковіцкага, Краснапольскага, Крычаўскага, Мсціслаўскага, Хоцімскага, Чавускага, Чэрыкаўскага раёнаў;

20 лютага ў горадзе на Бярэзіне на базе Палаца мастацтваў г. Бабруйска з удзелам мастацкіх калектываў і індывідуальных выканаўцаў Бабруйска, Бабруйскага, Глускага, Кіраўскага, Клічаўскага, Асіповіцкага раёнаў;

26 лютага ў абласным цэнтры на базе Магілёўскага абласнога метадычнага цэнтра народнай творчасці і культурна-асветнай працы з удзелам мастацкіх калектываў і індывідуальных выканаўцаў Магілёва, Бялыніцкага, Быхаўскага, Горацкага, Дрыбінскага, Круглянскага, Магілёўскага, Слаўгарадскага, Шклоўскага раёнаў.

Заключны этап рэгіянальнага агляду-конкурсу пройдзе 4 сакавіка ў Магілёўскім абласным метадычным цэнтры народнай творчасці і культурна-асветніцкай працы.

Фота - mogilevnews.by

 

Пры выкарыстанні матэрыялаў актыўная гіперспасылка на mogilev-region.gov.by абавязковая