Абласны этап чэмпіянату краіны па брэйк-дансе пройдзе ў беларуска-расійскім універсітэце 24 кастрычніка. Пра гэта паведаміла намеснік начальніка аддзела ідэалагічнай работы і па справах моладзі Магілёўскага гарвыканкама Ірына Сталярова.

Удзельнікамі конкурсу стануць хлопчыкі і дзяўчынкі ва ўзросце ад 8 гадоў і маладыя людзі ў катэгорыі «17+». Як адзначыў адзін з арганізатараў конкурсу Сяргей Шпакоўскі, падобны турнір будзе праходзіць у Магілёве трэцім разам. «Брэйк-данс – папулярны рух у сучаснай моладзі. Да пандэміі такія конкурсы карысталіся вялікай папулярнасцю. Мы спадзяёмся, што і ў гэты раз у нас усё атрымаецца», – адзначыў Сяргей Шпакоўскі.

Плануецца, што ўдзельнікамі адбору стане каля 100 маладых танцораў з усёй Магілёўскай вобласці.

Пачатак выступленняў у 13.00. Уваход вольны.

Арганізатар спаборніцтваў – Беларуская федэрацыя брэйк-данса пры падтрымцы Беларуска-Расійскага ўніверсітэта і Магілёўскага гарвыканкама.

БЕЛТА