Рус Бел Eng 中文

Абласны конкурс відэаролікаў «Жанчыны Магілёўшчыны» абвясціў БРСМ

Напярэдадні Дня жанчын Магілёўскі абласны камітэт ГА «Беларускі рэспубліканскі саюз моладзі»абвясціў пра старт рэгіянальнага конкурсу відэаролікаў «Жанчыны Магілёўшчыны».

Прыняць удзел у творчым спаборніцтве могуць маладыя людзі ва ўзросце ад 14 да 31 года, якія знаходзяцца ў радах ГА «БРСМ».

Конкурс праводзіцца ў трох намінацыях:

«Віншаванне жанчыне»– ролік дэманструе выраб падарунка сваімі рукамі, чытанне верша, выкананне песні і іншае на зададзеную тэматыку;

«Жанчына ў маім жыцці» – ролік дэманструе аповяд удзельніка ў крэатыўнай форме аб галоўнай жанчыне ў сваім жыцці (цікавыя факты, словы падзякі і іншае);

«Жанчына ў прафесіі» (любімай справе) – дэманстрацыя ўдзельнікам сваей прафесіі/любімай справы/хобі.

Да ўдзелу прымаюцца відэаролікі –MP4, AVI, WMV працягласцю не больш за 1 хвіліну. Пры мантажы можна выкарыстоўваць спецыяльныя праграмы і інструменты, фатаграфіі і відэа.

Відэаролік павінен быць аформлены інфармацыйнай застаўкай з указаннем намінацыі і даных аўтара/аўтараў (прозвішча, імя цалкам).

Работы і заяўкі адпраўляюцца на электронны адрас Магілёўскага абласнога камітэта ГА «БРСМ»brsmmogilevobl@gmail.com з пазнакай «Жанчыны Магілёўшчыны» да 12 сакавіка.

Па выніках інтэрнэт-галасавання найлепшыя работы ў кожнай намінацыі будуць узнагароджаны дыпломамі і каштоўнымі падарункамі.

Пры выкарыстанні матэрыялаў актыўная гіперспасылка на mogilev-region.gov.by абавязковая