Абласны семінар-практыкум «Сучасная беларуская выцінанка» пройдзе 15 кастрычніка на базе Магілёўскага абласнога метадычнага цэнтра народнай творчасці і культурна-асветнай працы.Пра гэта паведамілі ва ўстанове культуры.

У мерапрыемстве прымуць удзел дырэктары і метадысты раённых дамоў (цэнтраў) рамёстваў, метадысты цэнтральных клубных сістэм, выкладчыкі дзіцячых школ мастацкіх рамёстваў. Праграмай таксама запланаваны зносіны са спецыялістамі Новасібірскага цэнтра беларускай культуры ў фармаце відэаканферэнцыі.

Падчас семінара члены Саюза майстроў Беларусі правядуць для ўдзельнікаў майстар-класы па вырабе фіранкі, навагодніх сняжынак і ялінак, віншавальных паштовак, падвясных птушачак. Часткай мерапрыемства стануць тэарэтычныя заняткі «Гісторыя развіцця выцінанкі».