Абласны семінар-вучоба для работнікаў сельскай гаспадаркі прайшоў у Магілёўскай вобласці

На базе агракамбінатаў «Зара» (Магілёўскі раён) і «Рассвет» імя К. П. Арлоўскага (Кіраўскі раён) прайшоў абласны семінар-вучоба, прысвечаны падрыхтоўцы да сяўбы азімых. У мерапрыемстве прынялі ўдзел старшыня Магілёўскага аблвыканкама Леанід Заяц, яго першы намеснік Васіль Акуліч, кіраўнік камітэта па сельскай гаспадарцы і харчаванні аблвыканкама Віктар Віткоўскі, а таксама старшыні і намеснікі старшыняў райвыканкамаў, кіраўнікі і галоўныя аграномы сельгасарганізацый Прыдняпроўскага краю.

На выязным семінары абмяркоўваліся пытанні, якія датычацца тэхналагічных патрабаванняў пры правядзенні сяўбы азімых культур пад ураджай 2020 года. Удзельнікі наведалі палі гаспадарак, на базе якіх праводзілася мерапрыемства.

Фота Уладзіміра Капузы