Абласныя прадметныя алімпіяды праходзяць на Магілёўшчыне

Амаль тысяча навучэнцаў з усёй вобласці змагаецца за права паехаць на рэспубліканскую алімпіяду па вучэбных прадметах.

Інтэлектуальныя выпрабаванні праходзяць па 18 дысцыплінах. Удзельнікі – дзеці з усяго рэгіёна з 8 па 11 класы. Хоць у гэтым годзе ёсць выключэнне з правілаў. У алімпіядзе па інфарматыцы ўдзельнічае 6-класнік з гімназіі г. Асіповічы Сцяпан Быхаўцоў. І, як прызнаўся сам школьнік, для яго алімпіяда – проста праверка сваіх ведаў. Дарэчы, праграма той жа алімпіяды па інфарматыцы – адзіная для ўсіх класаў, г. зн. не дзеліцца на паралелі.

Трэці абласны этап рэспубліканскай алімпіяды завершыцца 14 студзеня, без пышнай урачыстасці. Так вырашыў аргкамітэт, каб пазбегнуць распаўсюджвання вірусных інфекцый. Заключны этап рэспубліканскай алімпіяды пройдзе ў канцы сакавіка. Прызёры і пераможцы будуць мець значную перавагу пры паступленні ў ВНУ.

ТРК «Магілёў»