RU BY EN 中文
Twitter Instagram

Абноўленую дарогу Магілёў–Чавусы адкрыюць восенню

Буйны будаўнічы праект плануюць завяршыць у Магілёве гэтай восенню. Рэканструкцыя на аўтадарозе ад Магілёва ў чавускім кірунку займае 5,5 кіламетраў.

13 тыс. машын за суткі праязджае па трасе Магілёў–Чэрыкаў–Касцюковічы. Дарога, у народзе названая чавускай, даўно мела патрэбу ў рамонце:была занадта вузкай для сучаснага патоку машын. І вось надышоў яе час. На гэтым участку будуць 4 паласы руху і 2 падземныя пераходы.

Толькі на пракладку ліній электраперадачы спатрэбілася каля Br2 млн., крыху менш за мільён на газаправод. Дарэчы, увесь праект, паводле падлікаў спецыялістаў, абыдзецца ў Br63 млн.

Але што ж сама дарога? Увосень 2018-га пачаўся рамонт, а ўжо праз два гады яна паўстане ў новым абліччы. У першую чаргу, яе пашыраць з дзвюх палос да чатырох. Пакрыццё зменіцца з асфальтавага на цэментава-бетоннае. Спецыялісты сцвярджаюць, што праца ідзе па графіку. Некаторыя адрэзкі трасы ўжо хутка адкрыюць для вадзіцеляў.

ТРК «Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая