Рус Бел Eng 中文

Адкрыты рэспубліканскі турнір па міні-футболе сярод ветэранаў памяці Святланы Рыжовай адбудзецца 12 студзеня ў Магілёве

Адкрыты рэспубліканскі турнір па міні-футболе сярод ветэранаў памяці Святланы Рыжовай адбудзецца ў Магілёўскім спарткомплексе «Алімпіец» 12 студзеня. Пра гэта карэспандэнту сайта паведамілі ў прэс-службе ФК «Днепр».

У штогадовым мемарыяле, які ў гэтым годзе пройдзе ў шосты раз, прымуць удзел каманды магілёўскай «Надзеі», мінскіх «Космаса» і асацыяцыі «Беларуская федэрацыя футбола», а таксама зборная абласцей «Рэгіён».

Турнір праводзіцца з 2013 года па ініцыятыве галоўнага футбольнага ведамства краіны і магілёўца Аляксандра Ластачкіна, які працаваў трэнерам у жаночым футболе больш за 20 гадоў. Нагода для арганізацыі мемарыяла была сумнай:на 37-м годзе жыцця памерла ад раку адна з самых тытулаваных беларускіх футбалістак Святлана Рыжова. Спартыўныя спаборніцтвы сталі традыцыйнымі, каб землякі памяталі тых, хто ўнёс дастойны ўклад у развіццё спорту.

Матчы пачнуцца ў 10.00. Закрыццё і ўзнагароджанне ўдзельнікаў – у 15.00. Уваход вольны.

Даведачна

Святлана Рыжова – беларуская футбалістка. Выступала за Магілёўскую «Надзею» (1991 год) «Бабруйчанку» (1992-1999), польскі «Медык»(2000-2004), мінскую «Зорку-БДУ» (2005-2006), віцебскі «Універсітэт»(2007-2009), «Мінчанку-БДПУ» (2010), «Мінск» (2011). Пасля абараняла гонар роднага горада ў складзе «Надзеі-СДЮШАР-7».

Спартсменка – сярэбраны прызёр чэмпіянату СССР(1991 год), чэмпіён (1994, 1995, 1997, 1998, 1999, 2007, 2008, 2009), сярэбраны (1992, 1993, 2005, 2006) і бронзавы (1996, 2011) прызёр чэмпіянату Беларусі. Уладальнік Кубка Беларусі (1996, 1997, 1998, 1999, 2009, 2011). Сярэбраны (2001, 2002, 2004) і бронзавы (2000, 2003) прызёр чэмпіянату Польшчы, сярэбраны (2000, 2002) і бронзавы (2001) прызёр чэмпіянату Польшчы па міні-футболе.
У 2004 годзе ў складзе «Бабруйчанкі» Святлана Рыжова дайшла да чвэрцьфіналу Лігі чэмпіёнаў, што з’яўляецца адным з галоўных дасягненняў жаночага клубнага футбола нашай краіны.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "спорт":

14.01.2019 - 13:04 | Студэнты разыграюць у Магілёве ўзнагароды Рэспубліканскай універсіяды па лёгкай атлетыцы ў памяшканні

Рэспубліканская ўніверсіяда-2019 па лёгкай атлетыцы ў памяшканні пройдзе 24-26 студзеня ў Магілёўскім спарткомплексе «Алімпіец». Пра гэта карэспандэнту сайта паведаміла галоўны сакратар спаборніцтваў Кацярына Суслянкова.

11.01.2019 - 11:48 | Гарадское зімовае спартыўнае свята «Бабруйская лыжня-2019» адбудзецца 19 студзеня

Гарадское зімовае свята «Бабруйская лыжня-2019» адбудзецца 19 студзеня. Спартыўныя спаборніцтвы стартуюць у 10.00 каля «Бабруйск-Арэны».

11.01.2019 - 10:57 | Магілёў упершыню прыме фінал кубка Беларусі па міні-футболе

Вырашальны матч фіналу кубка Беларусі па міні-футболе ўпершыню пройдзе ў Магілёўскай вобласці. Сустрэча адбудзецца 3 сакавіка ў спарткомплексе «Алімпіец».

09.01.2019 - 11:58 | Каля 100 спартсменаў разыграе ўзнагароды рэспубліканскага турніру па боксе памяці Генрыха Рыўкіна ў Магілёве

X адкрыты рэспубліканскі турнір па боксе памяці заслужанага трэнера Рэспублікі Беларусь Генрыха Рыўкіна пройдзе 15-19 студзеня ў Магілёве. Традыцыйныя спаборніцтвы прыме СК «Алімпіец», паведаміў карэспандэнту сайта галоўны суддзя спаборніцтваў Віталь Сідарэнка.

08.01.2019 - 09:33 | Горацкі «Сокал» заняў другое месца ў фінале рэспубліканскіх спаборніцтваў па хакеі сярод дзяцей і падлеткаў «Залатая шайба»

Горацкі «Сокал» заняў другое месца ў фінале рэспубліканскіх спаборніцтваў па хакеі сярод дзяцей і падлеткаў «Залатая шайба» на прызы Прэзідэнта Беларусі ў старэйшай узроставай групе ў дывізіёне «А».