Адкрыты турнір па міні-футболе сярод дзяцей пройдзе 30 лістапада ў Круглым

Адкрыты турнір па міні-футболе сярод дзяцей, прысвечаны памяці воінаў-інтэрнацыяналістаў, пройдзе 30 лістапада ў Круглым Магілёўскай вобласці, паведаміў старшыня Круглянскага раённага фізкультурна-спартыўнага клуба Алег Уладыка.

«Спаборніцтвы па міні-футболе будуць праводзіцца ў гэтым годзе чацвёртым разам. Удзельнікамі стануць дзеці 2010–2011 гадоў нараджэння – 7 каманд з Круглянскага, Шклоўскага, Бялыніцкага, Магілёўскага раёнаў, а таксама з гарадоў Віцебскай вобласці – Оршы, Сянно, Талачына. Кожная каманда складаецца з дзевяці спартсменаў», – расказаў старшыня Круглянскага ФСК.

Спаборніцтвы будуць праходзіць на дзвюх пляцоўках: у зале сярэдняй школы і ў новым будынку спартыўнай школы. Як растлумачыў Алег Уладыка, 30 лістапада ў Круглым пройдзе ўрачыстае адкрыццё абноўленага будынка дзіцяча-юнацкай спартыўнай школы. Раней школа знаходзілася на ўскраіне горада ў будынку 1986 года пабудовы. Цяпер яна пераехала ў цэнтр горада і размясцілася ў новых памяшканнях, якія раней належалі Круглянскаму ПМК № 266. Зараз у ёй займаецца 283 вучняў у секцыях па лёгкай атлетыцы, футболе, грэка-рымскай барацьбе і лыжных гонках.

БЕЛТА