У Бабруйску сёння праходзяць V рэгіянальныя адукацыйныя Калядныя чытанні. У гэтым годзе яны прысвечаны тэме «Вялікая Перамога: спадчына і спадкаемцы», пра што паведаміў кіраўнік аддзела рэлігійнай адукацыі і катэхізацыі Бабруйскай епархіі іераманах Андрэй (Васілюк).
«Гэта штогадовы царкоўна-грамадскі форум у сферы адукацыі, культуры і духоўна-маральнай асветы. Мы будзем гаварыць пра тое, якія ўрокі дае нам гісторыя, як важна захаваць памяць аб мінулым. Чытанні мы праводзім па традыцыі ў перыяд Каляднага посту. Раство Хрыстова – свята прымірэння і адзінства, таму не выпадковая ідэя звязваць з ім правядзенне форума, прысвечанага аб’яднанню царкоўных, дзяржаўных, грамадскіх сіл у духоўна-маральнай асвеце грамадства», – адзначыў ён.
Падчас чытанняў будзе арганізавана работа трох секцый: для навучэнскай моладзі, педагогаў і вайскоўцаў. Госці з Масквы, Мінска, Гродна, Смаленска раскажуць аб узаемадзеянні царквы, грамадства і арміі, іх сумеснай працы ў захаванні гістарычнай памяці, духоўным выхаванні падрастаючага пакалення. Скончацца чытанні спектаклем, які падрыхтавалі навучэнцы мастацкіх школ і моладзевага праваслаўнага тэатра Бабруйска.
Традыцыя праводзіць такія чытанні зарадзілася ў пачатку 90-х гадоў мінулага стагоддзя. Упершыню яны прайшлі ў Маскве. Пасля гэтага адукацыйныя сустрэчы сталі паўсюднай з’явай. Калядныя чытанні праходзяць ва ўсіх рэгіёнах Беларусі. Іх цэнтрамі з’яўляюцца епархіяльныя гарады: Брэст, Віцебск, Гродна, Гомель, Магілёў, Бабруйск, Барысаў, Ліда, Мазыр, Маладзечна, Навагрудак, Пінск, Полацк, Слуцк.
Арганізатарам выступіла Бабруйская епархія пры падтрымцы Бабруйскага гарадскога выканаўчага камітэта.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.09.2025 - 11:54
Білеты на фестывальныя мерапрыемствы «Анімаёўка-2025» ужо ў продажы
12.09.2025 - 09:35
Магілёўская вобласць і Астрахань падпісалі пагадненне аб супрацоўніцтве ў сферы культуры
12.09.2025 - 08:59
08.09.2025 - 10:52
Ліда перадала Касцюковічам эстафету Дня беларускага пісьменства
08.09.2025 - 10:10
Магілёўская вобласць прыняла ўдзел у мерапрыемствах, прысвечаных Дню беларускага пісьменства
08.09.2025 - 09:33
У Магілёве назвалі пераможцаў фестывалю «Моладзь - за Саюзную дзяржаву»