Рус Бел Eng 中文

Акцыя «Калядныя дні без абортаў» пройдзе ва ўстановах аховы здароўя Магілёўскай вобласці 7–19 студзеня

Акцыя «Калядныя дні без абортаў» пройдзе ва ўстановах аховы здароўя Магілёўскай вобласці з 7 па 19 студзеня. Пра гэта паведамілі ў сацыяльна-асветніцкай установе «Цэнтр падтрымкі сям’і і мацярынства “Покрова”» Бабруйска, адзін з напрамкаў работы якога – дапамога жанчынам у крызіснай сітуацыі. Псіхолагі ўстановы дапамагаюць ім зрабіць свой выбар свядома. Бо сітуацыя незапланаванай цяжарнасці ў большасці выпадкаў стрэсавая, і аб’ектыўна ўзважыць усе «за» і «супраць» у такім стане складана.

«Вельмі часта жанчына ідзе на гэты крок, не разумеючы, што дзіця і абставіны, якія вымушаюць яе на гэта, – з’явы рознага парадку», – расказаў дырэктар цэнтра Андрэй Зубенка. – Дзіця не з’яўляецца прычынай складаных унутрысямейных адносін або цяжкага матэрыяльнага становішча. У той жа час аборт не гуртуе сям’ю і не ратуе матэрыяльную сітуацыю. Наадварот, як паказвае наш вопыт, з’яўленне дзіцяці ніяк не перашкаджае жанчыне рэалізаваць сябе ў жыцці, хутчэй, наадварот, з’яўляецца стымулам для яе асобаснага росту і павышэння прафесійных кампетэнцый. Гэта тычыцца не толькі тых, з кім мы працуем, але і саміх супрацоўнікаў, многія з якіх з’яўляюцца шматдзетнымі бацькамі».

Ініцыятарамі правядзення акцыі выступаюць Магілёўскі абласны выканаўчы камітэт і сацыяльна-асветніцкая ўстанова «Цэнтр падтрымкі сям’і і мацярынства “Покрова”» (Бабруйск) пры падтрымцы Бабруйскай епархіі БПЦ.

 

 

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая