Рус Бел Eng 中文

Акцыя «Лічбы здароўя: артэрыяльны ціск» пройдзе 14 жніўня ў Кіраўску

Акцыя «Лічбы здароўя: артэрыяльны ціск» адбудзецца 14 жніўня на базе Кіраўскага УКП «Жылкамгас» (вул. Арлоўскага, д. 68). Пра гэта паведамілі ў УАЗ «Кіраўскі цэнтр гігіены і эпідэміялогіі».

Мерапрыемства пройдзе пад слоганам «Кантралюем ціск – падаўжаем жыццё!».

Падчас акцыі (з 9.00 да 14.00) спецыялісты Кіраўскай ЦРБ сумесна з работнікамі мясцовага райЦГЭ дапамогуць жыхарам рэгіёна даведацца артэрыяльны ціск, атрымаць навыкі яго вымярэння, а таксама правядуць індывідуальныя кансультацыі па пытаннях прафілактыкі хвароб сістэмы кровазвароту. Акрамя таго, у межах мерапрыемства плануецца раздача тэматычных памятак і буклетаў.

Тэлефон «гарачай лініі»: 8 (02237) 77-3-99 (рэгістратура раённай паліклінікі).

Пры выкарыстанні матэрыялаў актыўная гіперспасылка на mogilev-region.gov.by абавязковая