Рус Бел Eng 中文

Алея да 100-гадовага юбілею нацыянальнай сістэмы аховы здароўя з’явілася ў Магілёве

На адкрытай зялёнай пляцоўцы каля Магілёўскага абласнога цэнтра гігіены, эпідэміялогіі і грамадскага здароўя па вуліцы Грышына высадзілі алею. У мерапрыемстве, прымеркаваным да 100-гадовага юбілею нацыянальнай сістэмы аховы здароўя, прынялі ўдзел кіраўнікі ўстаноў санітарна-эпідэміялагічнай службы рэгіёна на чале з галоўным дзяржаўным санітарным урачом Магілёўскай вобласці Святланай Нячай.

«Кожны чалавек у сваім жыцці павінен зрабіць тры важныя ўчынкі: пабудаваць дом, пасадзіць дрэва, вырасціць дзіця. Менавіта з гэтага пачынаецца галоўная жыццёвая філасофія. Калі кожны чалавек у сваім двары або на прылеглай тэрыторыі пасадзіць хоць бы адно дрэва, мы будзем жыць у выдатным зялёным горадзе з чыстым паветрам», – рэзюмавала Святлана Нячай.

Пасадка дрэў праходзіла актыўна і весела. Імянныя ліпы і клёны з’явіліся ў кожнага занальнага і раённага цэнтра гігіены і эпідэміялогіі, кожнага структурнага падраздзялення абласнога цэнтра.

Усе ўдзельнікі адзначылі, што будзе прыемна назіраць, як растуць дрэвы. Зараз застаецца дачакацца першых лісточкаў.

Пры выкарыстанні матэрыялаў актыўная гіперспасылка на mogilev-region.gov.by абавязковая