Аляксандр Чадзюк і Алег Садоўскі правялі прыём грамадзян у Касцюковічах

Пракурор Магілёўскай вобласці Аляксандр Чадзюк і старшыня Камітэта дзяржаўнага кантролю Магілёўскай вобласці Алег Садоўскі правялі выязны асабісты прыём грамадзян у Касцюковіцкім райвыканкаме.

Пенсіянер Міхаіл Ясенка, які звярнуўся на прыём,не згодны з аплатай паслугі па вывазе цвёрдыхкамунальных адходаў, таму жадае скасаваць дагавор з прадпрыемствам «Касцюковіцкі жылкамунгас». Але, як растлумачылі спецыялісты, у выканаўцы гэтай паслугі не маецца падстаў для яго скасавання. Тым больш адмаўленне ў прыёмцы да вывазу адходаў прывядзе да з’яўлення стыхійных звалак. У сувязі з тым што ў жылым памяшканні зарэгістравана сем чалавек, уключаючы мужа і жонку Ясенка, то плата за вываз смецця налічваецца згодна з зарэгістраванымі.

Аляксандр Чадзюк уважліва выслухаў довады заяўніка, пасля чаго даручыў пракурору Касцюковіцкага раёна Сяргею Булахаву вывучыць гэтае пытанне і, калі гэта магчыма, знайсці аптымальныя шляхі вырашэння праблемы з прававога пункту гледжання.

А вось жыхарка Касцюковіч незадаволеная расследаваннем крымінальнай справы, узбуджанай мясцовым РАСК па прыкметах складу злачынства, прадугледжанага ч. 1 арт. 205 КК Рэспублікі Беларусь па факце тайнага выкрадання маёмасці, якая належыць прадпрыемству, дзе яна раней працавала.

Па словах Аляксандра Чадзюка, заяўніца абавязаная выплаціць усю суму нанесенай шкоды, бо, па-першае, яна на той момант была матэрыяльна адказнай асобай, а па-другое, рашэнне суда прайшло ўжо праз Вярхоўны Суд Беларусі. У дадзеным выпадку абласная пракуратура не можа ўстаць на бок грамадзянкі.

«Як паказвае практыка правядзення прыёмаў грамадзян, да пракурора вобласці часта звяртаюцца з «барадатымі» пытаннямі. І часта нашы людзі прымаюць банальна спажывецкую пазіцыю, – пракаментаваў пракурор Магілёўскай вобласці. – Грамадзяне пастаянна шукаюць шляхі, як ім абысці закон або пазбегнуць аплаты. Але ж закон адзін для ўсіх, і якім бы суровым ён ні быў, але гэта закон!».

golk.by