Аўтапарк падраздзяленняў Магілёўскага абласнога ўпраўлення Дэпартамента аховы МУС папоўніцца новымі машынамі

Аўтапарк падраздзяленняў Магілёўскага абласнога ўпраўлення Дэпартамента аховы МУС 17 студзеня папоўніцца 14 новымі машынамі. Іх перададуць таксама ў раёны, паведаміла карэспандэнту сайта вядучы спецыяліст аддзялення ідэалагічнай работы абласнога ўпраўлення Таццяна Паказаньева.

«Сучасныя аўтамабілі дазволяць несці службу на якасным і высокім узроўні, забяспечваючы маёмасную і асабістую бяспеку нашых грамадзян, грамадскі парадак у гарадах вобласці, – адзначыла суразмоўца. – Дзякуючы высокай мабільнасці нашы міліцыянеры змогуць першымі прыбываць на месца здарэння, застаючы знянацку правапарушальнікаў».

Сёння Магілёўскае абласное ўпраўленне Дэпартамента аховы МУС займае лідзіруючыя пазіцыі ў рэспубліцы. Кругласутачна каля 80 нарадаў падраздзяленняў патрулююць вуліцы рэгіёна. Пад аховай знаходзіцца каля 26 тыс. аб’ектаў і жылых дамоў.

На працягу 2018 года нарады ажыццявілі больш за 65 тыс. выездаў: практычна ўсё па сігнале «трывога». Раскрыта вялікая колькасць злачынстваў (у тым ліку і па крымінальных справах), затрыманы тысячы правапарушальнікаў.

Пачатак урачыстага мерапрыемства ў Магілёўскім абласным упраўленні Дэпартамента аховы МУС у 13.00.