Бабруйскую гарадскую дзіцячую бальніцу плануюць увесці ў эксплуатацыю ў верасні 2020 года. Пра гэта паведаміў першы намеснік старшыні гарвыканкама Ігар Кісель.

Рэканструкцыя ўстановы аховы здароўя вядзецца з мінулага года. Аб’ект уключаны ў дзяржаўную інвестыцыйную праграму Магілёўскай вобласці з фінансаваннем на 2019-ы ў суме Br 2,5 млн.

«Сёння вядуцца работы ў асноўным корпусе чатырохпавярховага будынка бальніцы, пракладваюцца інжынерныя камунікацыі, праводзяцца работы з электрычнасцю, сантэхнікай, цеплазабеспячэннем – усё ў адпаведнасці з графікам, – падкрэсліў Ігар Кісель. – Важна, што ў гэтым годзе будзе цалкам «закрыты» контур, каб зімой можна было прыступіць да аздобных прац».