Рус Бел Eng 中文

Беларусь плануе распаўсюдзіць бязвізавы рэжым на абласныя аэрапорты і наземныя пункты пропуску

Беларусь плануе спрасціць уезд для замежнікаў праз абласныя аэрапорты і наземныя пункты пропуску, паведаміў на пленарным пасяджэнні беларуска-швейцарскага дзелавога савета міністр эканомікі Дзмітрый Крутой.

«Плануем далей пашыраць бязвізавыя зоны, спрасціць уезд для замежных грамадзян праз абласныя аэрапорты і наземныя пункты пропуску», – адзначыў Дзмітрый Крутой.

Таксама ўрад разлічвае на больш хуткае падпісанне пагаднення з Расіяй аб узаемным прызнанні віз, што будзе спрыяць развіццю бізнес-кантактаў.

«Бязвізавы рэжым – вельмі важнае прынятае рашэнне. Ён у цяперашні час дзейнічае ў Нацыянальным аэрапорце Мінск, а таксама часткова ў Брэсцкім і Гродзенскім рэгіёнах і даў сур’ёзны эфект на кароткім прамежку часу», – падкрэсліў міністр.

Як паведамлялася, указ № 300 аб’ядноўвае дзве бязвізавыя зоны Брэсцкай і Гродзенскай абласцей у адну. У яе ўключаюцца яшчэ пяць раёнаў Гродзенскай вобласці: Бераставіцкі, Ваўкавыскі, Воранаўскі, Лідскі і Шчучынскі. Пры гэтым тэрмін бязвізавага знаходжання ў турыстычных мэтах павялічваецца да 15 сутак для грамадзян 73 дзяржаў.

Праз Нацыянальны аэрапорт Мінск без візы можна заехаць на тэрмін да 30 дзён.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая