Прадзюсарская група Белтэлерадыёкампаніі адкрыла прыём заявак на ўдзел у нацыянальным адборачным туры конкурсу песні «Еўрабачанне–2020», паведамілі ў прэс-службе медыяхолдынга.
«Падаць заяўкі можна ў электронным выглядзе да 17 студзеня на афіцыйным сайце Белтэлерадыёкампаніі www.tvr.by. пасля гэтага фокус-група медыяхолдынга правядзе перадкастынг музычных кампазіцый і сфарміруе спіс удзельнікаў жывога праслухоўвання. Пералік канкурсантаў, дапушчаных да праслухоўвання, будзе апублікаваны на сайце кампаніі не пазней за 22 студзеня», – расказалі ў прэс-службе. Праслухоўванне запланавана на 27 студзеня, па яго выніках фокус-група простай большасцю галасоў вызначыць да дванаццаці ўдзельнікаў фіналу. Падчас праслухоўвання на сайце Белтэлерадыёкампаніі будзе весціся анлайн-трансляцыя.
Фінал пройдзе не пазней за 6 сакавіка 2020 года ў форме шоу ў прамым тэлевізійным эфіры на каналах «Беларусь 1» і «Беларусь 24». Пераможца вызначыцца па выніках галасавання прафесійнага журы і гледачоў. Фіналіст, які набраў найбольшую колькасць балаў, будзе абвешчаны пераможцам нацыянальнага адборачнага тура і на правах афіцыйнага прадстаўніка ад Беларусі пачне падрыхтоўку да ўдзелу ў «Еўрабачанні–2020».
Праект праводзіцца Белтэлерадыёкампаніяй–адзіным у нашай краіне членам Еўрапейскага вяшчальнага саюза – і Міністэрствам культуры, якое выступае суарганізатарам. Палажэнне аб праекце размешчана на афіцыйным сайце медыяхолдынга.
Юбілейны 65-ы конкурс песні «Еўрабачанне– 2020» пройдзе ў маі ў Ратэрдаме (Нідэрланды). Паўфіналы пройдуць 12 і 14 мая, фінал – 16 мая.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»
17.04.2024 - 12:17
Аляксандр Жыгун: наша культурная спадчына дазваляе адчуваць сябе адзінай самабытнай сям'ёй
16.04.2024 - 18:00
16.04.2024 - 17:10
У Магілёве замежным гасцям паказалі беларускі абрад «Гуканне вясны»