Журналісты АТН Белтэлерадыёкампаніі правядуць тэлегледачоў па ўсім маршруце эстафеты агню II Еўрапейскіх гульняў, паведамілі ў прэс-службе медыяхолдынга.
«Аўтары дзённікаў кантынентальнага форуму «Игры.by» Станіслаў Ліпскі і Андрэй Казлоў адправяцца ў цэнтр Рыма, каб разам са знакамітымі спартсменамі даць старт эстафеце агню ва ўнікальным музеі «Алтар свету». Запаляць факел нашы алімпійскія чэмпіёны, імёны якіх 3 мая першымі даведаюцца гледачы“Беларусь 1”», – расказалі ў прэс-службе.
Карэспандэнтаў АТН чакаюць няпростыя выпрабаванні. Разам з беларускімі альпіністамі яны падымуць на гару Манблан факел з агнём II Еўрапейскіх гульняў і Дзяржаўны сцяг Рэспублікі Беларусь. Каб полымя не згасла ва ўмовах нізкіх тэмператур, парывістага ветру і разрэджанага паветра, яго змесцяць у спецыяльную лампаду. Далей факел падхопяць байкеры, і разам са здымачнай групай адправіцца«Полымя свету» па дарогах Аўстрыі, Славеніі, Венгрыі, Славакіі, Чэхіі і Польшчы.
Факел мультыспартыўнага форума 12 мая прыбудзе ў Беларусь, каб пабываць ва ўсіх рэгіёнах. Факеланосцамі выступіць 450 чалавек з ліку ўраджэнцаў абласцей, якім будзе перадавацца эстафета. Сярод іх – кіраўніцтва і супрацоўнікі Белтэлерадыёкампаніі. Сяргей Гусачэнка, Вікторыя Сянкевіч, Вольга Макей, Паліна Шуба, Максім Угляніца, Святлана Панкратава, Яўген Перлін, Святлана Бароўская, ТЭА, Юрый Маркоўскі і старшыня Белтэлерадыёкампаніі Іван Эйсмант стануць ганаровымі факеланосцамі разам з дыпламатамі еўрапейскіх краін, спартсменамі, грамадскімі дзеячамі, артыстамі. Усе яны дапамогуць запаліць знакамітую чашу на стадыёне «Дынама» 21 чэрвеня.
Кожны этап эстафеты агню II Еўрапейскіх гульняў «Полымя свету» знойдзе адлюстраванне ў выпусках «Навін», у выніковых праграмах «Панарама» і «Галоўны эфір», у дзённіках «Игры.by». Старт эстафеты ў эфіры «Беларусь 1» ужо 3 мая.
Пры выкарыстанні матэрыялаў актыўная гіперспасылка на mogilev-region.gov.by абавязковая
04.06.2025 - 16:13
У Магілёўскім раёне ў рамках праекта «Спорт для ўсіх» адкрылася сучасная спартыўная пляцоўка
02.06.2025 - 09:39
Яўген Залатой стаў чэмпіёнам Еўропы па акадэмічным веславанні
02.06.2025 - 09:26
Георгій Фокін стаў чэмпіёнам свету па муай-тай сярод моладзі
26.05.2025 - 12:21
«Барысфен» прайграў у Віцебску. Лёс бронзы вырашыцца ў Магілёве
19.05.2025 - 08:43
Магілёўскі ЦАР другі раз выйграў Суперкубак Беларусі па пляжным футболе