Больш за 160 дзяржаўных аб’ектаў-даўгабудаў выявіў КДК у Магілёве

Камітэтам дзяржкантролю Магілёўскай вобласці вывучана эфектыўнасць выкарыстання дзяржаўных сродкаў пры будаўніцтве ў Магілёве значных дзяржаўных аб’ектаў. Пра гэта паведаміў першы намеснік старшыні ведамства Юрый Фралоў.

Паводле яго слоў, у гэтай сферы выяўлены шэраг сур’ёзных недахопаў: наяўнасць больш за 160 аб’ектаў-даўгабудаў рознага прызначэння агульным коштам больш за Br170 млн., многія з якіх на працягу доўгага часу знаходзяцца ў нездавальняльным стане з прычыны неналежнага завяршэння асобных этапаў (чэргаў) будаўніцтва і іх няякаснага абслугоўвання, адсутнасць у дзяржаўных органаў дакладнай афіцыйнай статыстычнай інфармацыі аб агульнай колькасці аб’ектаў незавершанага будаўніцтва, неабходнасць удасканалення будаўнічага заканадаўства і іншае.

Вынікі кантролю разгледжаны на пасяджэнні калегіі Камітэта з удзелам прадстаўнікоў мясцовых органаў улады, унесеныя зацікаўленым прапановы аб выпраўленні сітуацыі ўзятыя на кантроль.