Рус Бел Eng 中文

Больш за 47 % членаў участковых камісій Магілёўскай вобласці склалі прадстаўнікі палітычных партый і грамадскіх аб’яднанняў

Завяршыўся чарговы этап падрыхтоўкі да выбараў дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання. Канчатковавызначыўся склад участковых камісій – у яго ўвайшлі 8 182 чалавекі, паведамілі ў абласной камісіі па выбарах.

Найбольшая колькасць членаў участковых камісій – гэта прадстаўнікі ад грамадскіх аб’яднанняў. Яны складаюць 46,7 % ад агульнай колькасці членаў участковых камісій (або 3 820 чалавек). Ад Федэрацыі прафсаюзаў Беларусі ў склад участковых камісій уключана 12,4 % (або 1 017 чалавек), ГА «Белая Русь» – 7% (або 573 чалавекі), Беларускі рэспубліканскі саюз моладзі – 5,6 % (або 462 чалавекі), Беларускі саюз жанчын – 5,6 % (або 461 чалавек). Сярод палітычных партый лідзіруе Камуністычная партыя Беларусі – 0,2 % (або 18 чалавек).

Таксама ў склад участковых камісій 1 309 грамадзян дэлегавана працоўнымі калектывамі (37,3 %), 3 053 чалавекі (37,3 %) уключаныя грамадзянамі шляхам падачы заяў.

Дарэчы, на тэрыторыі Магілёўскай вобласці ўтворана 739 участкаў для галасавання па выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання, з іх 36 – у бальніцах, санаторыях і іншых установах аховы здароўя.

Пры выкарыстанні матэрыялаў актыўная гіперспасылка на mogilev-region.gov.by абавязковая