З першых дзён барацьбы з COVID-19 Беларускі фонд міру аказвае дапамогу ўстановам аховы здароўя. На гэтыя мэты ўжо адрасавалі больш за Br50 тыс.

Як паведаміў старшыня праўлення Магілёўскага абласнога аддзялення Беларускага фонду міру Андрэй Нікіцін, дапамога прыйшла ў выглядзе дэзсродкаў, сродкаў індывідуальнай абароны для тых, хто знаходзіцца на перадавой барацьбы з COVID-19, – урачам, якія працуюць з інфікаванымі каранавірусам пацыентамі. Арганізацыя падставіла плячо сацустановам – дапамагла ім забяспечыць санітарна-супрацьэпідэмічны рэжым.

Падтрымку медыцынскім установам рэгіёна Магілёўскае абласное аддзяленне Беларускага фонду міру аказвае з таго часу, як толькі праблема заявіла пра сябе.

«Мы аператыўна распараджаемся нашымі магчымасцямі, літаральна на днях прынялі рашэнне аб аказанні дапамогі Магілёўскай паліклініцы № 11, якая абслугоўвае насельніцтва Магілёўскага раёна. Мы разумеем, што жыхары вёскі таксама не застрахаваныя ад перадачы інфекцыі, як і жыхары горада», – дадаў Андрэй Нікіцін.

«Радио Могилев»