Рус Бел Eng 中文

Будучых акцёраў будуць рыхтаваць у Магілёўскім абласным тэатры лялек

Дзіцячая тэатральная студыя неўзабаве з’явіцца ў Магілёўскім абласным тэатры лялек. Пра гэта расказаў дырэктар тэатра Уладзімір Андрэенка.

Адкрыццё адбудзецца ў канцы кастрычніка. Юныя магілёўцы будуць спасцігаць асновы лялечнага тэатральнага мастацтва. Дзеці зоймуцца харэаграфіяй, сцэнічным маўленнем, вырабам лялек і дэкарацый.

«Акрамя таго, яны будуць рэгулярна ставіць спектаклі. Нават калі з 20 дзяцей затым 2-3 стануць акцёрамі тэатра лялек, для нас гэта вялікая справа», – лічыць Уладзімір Андрыенка.

Перад новым сезонам трупу папоўніла адразу 7 маладых акцёраў. Такая колькасць новых артыстаў у тэатры з’явілася ўпершыню за доўгія гады. Неўзабаве гэта дазволіць калектыву не залежаць ад запрошаных акцёраў, якія занятыя ў многіх спектаклях тэатра лялек. Большасць маладых артыстаў – выпускнікі Магілёўскага дзяржаўнага каледжа мастацтваў.

 

«Радыё Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая