Чытачы магілёўскіх бібліятэк сталі браць больш кніг на дом

У бібліятэках Магілёва павялічылася кнігавыдача. Пра гэта расказала дырэктар цэнтралізаванай сістэмы дзяржаўных публічных бібліятэк абласнога цэнтра Вольга Волкава. Паводле яе слоў, такая тэндэнцыя назіраецца ўжо каля двух тыдняў.

«Нягледзячы на эпідэміялагічную сітуацыю, у бібліятэках не зніжаецца колькасць наведвальнікаў, пры гэтым яны сталі браць больш кніг на дом – паведаміла Вольга Волкава. – Мы не адчулі адтоку чытачоў. Яны ў нас пастаянныя, прыходзяць, бяруць кнігі, цяпер нават больш, чым звычайна. Многія асцерагаюцца, што бібліятэкі могуць зачыніць і стараюцца назапасіцца рознымі выданнямі».

«Цяпер усе нашы бібліятэкі і філіялы працуюць у звычайным рэжыме. Пры гэтым мы выконваем усе рэкамендацыі санітарнай службы», – адзначыла кіраўнік бібліятэчнай сістэмы.

«Радыё Магілёў»