Рус Бел Eng 中文

Дабрачынная акцыя «Цяпло нашых сэрцаў дзецям» стартуе ў Магілёўскай вобласці 20 мая

Абласная дабрачынная акцыя «Цяпло нашых сэрцаў дзецям» стартуе на Магілёўшчыне 20 мая. Пра гэта паведамілі ў абкаме ГА «Беларускі рэспубліканскі саюз моладзі».

Тэматычныя мерапрыемствы пройдуць ва ўсіх раёнах Прыдняпроўскага краю. Валанцёры руху БРСМ «Добрае сэрца» да 4 чэрвеня будуць арганізоўваць конкурсы і забаўляльныя праграмы са зборам спартыўнага інвентара, канцылярскіх тавараў, настольных гульняў, цацак, кніг, прадуктаў харчавання, гігіенічных сродкаў і інш. Усё сабранае перададуць выхаванцам дзіцячых дамоў, школ-інтэрнатаў, прыёмнікаў-размеркавальнікаў, прытулкаў для дзяцей-сірот, дзяцей-інвалідаў, дзяцей з абмежаванымі магчымасцямі, дзяцей, якія знаходзяцца ў рэабілітацыйных цэнтрах, бальніцах, выхаваўчых калоніях для непаўналетніх.

Цэнтральнае мерапрыемства акцыі адбудзецца ў аптэцы № 1 Магілёва (вул. Першамайская, 59). Тут з 20 па 30 мая актывісты БРСМ прапануюць наведвальнікам набыць гігіенічныя сродкі для дзяцей з Магілёўскага дзіцячага хоспіса. Сабраныя тавары плануецца перадаць адрасатам 31 мая.

Арганізатарам дабрачыннай акцыі «Цяпло нашых сэрцаў дзецям» выступае абкам ГА «Беларускі рэспубліканскі саюз моладзі».

Пры выкарыстанні матэрыялаў актыўная гіперспасылка на mogilev-region.gov.by абавязковая