Даходы бюджэту Магілёўскай вобласці за студзень–кастрычнік 2020 года перавысілі Br1,2 млрд.

У бюджэт Магілёўскай вобласці за студзень–кастрычнік гэтага года паступіла Br 1 234,7 млн. Пра гэта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

Па словах суразмоўцаў, даходы бюджэту ў параўнанні з аналагічным перыядам мінулага года павялічыліся на Br122,2 млн., або 11% у фактычным вылічэнні.

Найбольшыя сумы складаюць паступленні падаходнага падатку – Br422,1 млн. (34,2%), падатку на дабаўленую вартасць – Br222,9 млн. (18,1%), акцызаў – Вr68,2 млн. (5,5%), падатку пры спрошчанай сістэме падаткаабкладання – Br57,9 млн. (4,7%), падатку на прыбытак – Br56,8 млн. (4,6%), падатку на нерухомасць – Br52,5 млн. (4,3%).

У дзясятку лідараў у фарміраванні бюджэту Магілёўскай вобласці ўвайшлі: РУП «Магілёўэнерга», ААТ «Клімавіцкі ЛГЗ», ЗАТ «Бабруйскі бровар», Магілёўскі філіял РУП «Белтэлекам», філіял ТАА «Еўрагандаль» у г. Магілёве, ААТ «Магілёўскі завод ліфтавага машынабудавання», РУП «Беларуснафта-Магілёўаблнафтапрадукт», РУП «Магілёўаблгаз», ТАА «Кранахем», СТАА «Аазіс Груп». Удзельная вага іх плацяжоў склала 18% агульных паступленняў у бюджэт рэгіёна.

Рэд.